Mơ-eăm mơdêk kơlo têk chu tơrŭm cheăng pêi cheăng tơniăn, ai liăn rơkâ châ sap ing 80% tơngi klêng; tung hơnăm, mơjiâng châ ki vâ iâ má môi 5 troăng pêi Khu tơrŭm cheăng, tung mê, tơtrŏng mâu troăng pêi tơrŭm cheăng nếo, troăng pêi tơrŭm cheăng ƀă hlối tê tơmeăm châ kơnâ. Kố cho pơkâ pêi plâh châ Khu tơrŭm cheăng kong pơlê Dak Lak pơkâ a Leh mơhnhôk tơdroăng tơ’noăng hơnăm 2025.

A leh mơhnhôk, Khu tơrŭm cheăng kong pơlê Dak Lak kơbông krếo mâu Khu tơrŭm cheăng tung kong pơlê pơtối mơnhông hiêm mơhno hbrâ, tơmiêt pêi rơkê, mơdêk xúa khoa hok kih thuât, pơhlêh xúa kŏng ngê̆ ƀă tơdjâk tơdroăng ki tê châ kơnâ vâ mơdêk châ tơƀrê tơdroăng pêi cheăng.

Ing mê, mơdêk kơlo têk chu Khu tơrŭm cheăng pêi cheăng tơniăn, ai liăn rơkâ châ sap ing 80% tơngi klêng; kơxô̆ khu tơrŭm cheăng rơkê hôm châ lối 55%, Khu tơrŭm cheăng ki ôh tá rơkê hôm chu kơdroh pá kơdâm 10%. Tung hơnăm kố, mơjiâng châ ki vâ iâ má môi 5 khu tơrŭm cheăng pêi tiô troăng nếo, ƀă tơdroăng ki châ kơnâ liăn. Pôa huỳnh Bài, Kăn hnê ngăn Khu tơrŭm kong pơlê Dak Lak tối ăm ‘nâi, khu tơrŭm cheăng kô ai mâu tơdroăng tŏng gum ki tơtro vâ mâu khu tơrŭm cheăng châ pơkâ hiăng pơkâ mơ’no.