VOV4.Xơ Đăng - Khoa hok Kŏng ngê̆ hiăng mơnhông hơngế hiăng pro hơ’lêh tŭm tơdroăng rêh kâ ối, pêi cheăng. A kơvâ chiâk deăng, hên kuăn pơlê a Dak lak hiăng xúa tơmeăm ki ôh tá ai mơngế vê, tối cho “Drone” vâ xôh pơkeăng, rơvât phon, tôh têa ăm hdrê loăng.

VOV4.Xơ Đăng - Tơring Krông Bông cho tíu  xiâm pêt sik dêi kong pơlê Dak Lak, lối 1.500ha, tung mê, ai 2/3 ƀăng chiâk deăng sik dế châ krí. Xua rơnó sik tum iâ hâi, mê tá hâi teăm ai túa uâ mơdiê tơtro,  rêm rơnó sik tum hmâ tro lối lĕng, hên hĕng tê ôh tá châ yă kơnâ. Mơngế ki pêt sik a tơring kố dế ai troăng pêi drêng sik dế tum.

VOV4.Xơ Đăng - Tung péa hâi lơ 15 – 16/6, a pơlê kong kơdrâm Ƀuôn Ma Thuột, kong pơlê Dak Lak, Viê̆n Qui hoạch ƀă Kơchuâ chêh pêi chiâk deăng tơrŭm ƀă Khu ngăn mơjiâng kế tơmeăm – Khu xiâm ngăn chiâk deăng ƀă Mơnhông thôn pơlê tơkŭm po rôh hôp “Chêh bro tơdroăng pơkâ mơnhông pêt loăng ton hơnăm troh hơnăm 2030”.

VOV4.Xơ Đăng - Ngoh Đặng Dương Minh Hoàng cho kih sư - ngế ki khên tơmiât, khên pêi, Hoàng hiăng pro plâi ƀơr Việt Nam châ tê a mâu kong têa. Ngoh ối tơkŭm mâu ngế ki hâk vâ hơ’lêh, mơjiâng Khu pêi cheăng tơrŭm pêi chiâk deăng kơxô̆ Bình Phước, rế hía rế kum vâi krâ nhŏng o pêi chiâk deăng xúa khoa hok kong ngê̆ tung pêt mâu hdrê loăng.

VOV4.Xơ Đăng - Tiô tơdroăng Ing Khu xiâm ngăn tê mơdró kong pơlê Dak Lak, ăm ‘nâi, sap apoăng hơnăm 2023 troh nôkố, lâp tung kong pơlê tê ăm kong têa ê châ lối 810 rơtuh dollars (tơ‘mô 19.000 rơtal liăn), tâk 2% tâng vâ pơchông ƀă hơnăm nah, ƀă châ 50,6% tiô pơkâ tung hơnăm.

VOV4.Xơ Đăng - Tíu xiâm hnê mơhnhôk pêi chiâk dêi Tơnêi têa tơkŭm po hneăng hôp tơbleăng tơdroăng pro “pêt kơphế rơkê plĕng hmâ ƀă hyôh kong prâi kơpong Tây Nguyên pơla hơnăm 2023-2025.

VOV4.Xơ Đăng - Hâi lơ 9/6, a Dak Lak hiăng po Roh hôp mơjiâng pro, hbru ƀă pơkuâ mah kơxô̆ kơpong pêt, tâ ‘măn tơmeăm ing chiâk deăng vâ mơ’no tê ngi kong ê.

VOV4.Xơ Đăng - Ƀă hnoăng veăng kum kơxô̆ liăn ing hngêi rak liăn kum mâu ngế kơtiê, kuăn pơlê a cheăm kơpong hngế hngo Čư̆ Drăm, tơring Krông Bông, kong pơlê Dak Lak kơhnâ hơ’lêh hdrê loăng pêt vâ mơnhông tơƀrê ‘na cheăng kâ, mơdêk pêi lo liăn ngân ăm dêi rơpŏng hngêi.

VOV4.Xơ Đăng - Klêi kơ’nâi hên hơnăm hlối kloăng hôt a kong pơlê Gia Lai chu rơpâ yă, hdrê loăng ki kố dế tro kuăn pơlê pêi chiâk deăng a kong pơlê ko tah dêi hên hĭn.

VOV4.Xơ Đăng - Tơdroăng pro ăm mah kơxô̆ kơpong pêt plâi sầu riêng tê ngi kong têa ê a kong pơlê Dak Lak trâm pá. Kong pơlê thăm pêi pro mâu troăng tah lôi pá puât vâ mơjiâng tơ’nôm mâu kơpong pêt plâi sầu riêng chiâng vâ tê ngi kong têa ê tiô troăng chính ngăch, teăm rơnó krí plâi sap khế 8 la ngiâ.