VOV4.Xơ Đăng - Hiăng ‘nâi nhên hnoăng cheăng gum kuăn ngo ƀă rak ngăn tơdroăng rêh kâ ối dêi hdroâng kuăn ngo cho hnoăng cheăng ki kal kana khât, tung pơla hdrối kố nah, kong pơlê Sóc Trăng hiăng tơkuăm thăm mơdêk tơdroăng pơkâ mơ’no pêi pro mâu tơdroăng tơkêa bro ki kân, tơdroăng tơkêa bro ki kŭn ƀă hên hĕng mâu tơdroăng ki ê hía tung Hnoăng cheăng xiâm tơnêi têa ‘na mơnhông pêi cheăng kâ-rêh ối pơlê pơla kơpong hdroâng kuăn ngo ki iâ mơngế ƀă kong ngo, hneăng hơnăm 2021-2030, tung mê, ai hnoăng cheăng veăng gum pơhlêh tơdroăng cheăng ăm hdroâng kuăn ngo ki iâ mơngế, ing mê, hiăng chôa ‘lâng gum ăm mâu rơpŏng kơtiê ai tơ’nôm tơdroăng ki pêi cheăng kâ, thăm pêi lo liăn ngân, chôa ‘lâng mơnhông tơdroăng rêh kâ ối.

VOV4.Xơ Đăng - Khu râ kăn pêi cheăng Khu xiâm pơkuâ ‘na Chiâk deăng ƀă Mơnhông thôn pơlê xua pôa Phùng Đức Tiến, Ngế xiâm phŏ pơkuâ djâ hiăng lăm séa ngăn nhên tơdroăng pêi pro hbrâ mơdât pơreăng châi klêa a khu ro xo têa tôu a 2 tơring Đức Trọng ƀă Đơn Dương dêi kong pơlê Lâm Đồng.

VOV4.Xơ Đăng - Rĕng tơbleăng kâng pro 2 to rơchôa a Kroăng Pa,  pơla pơlê kong krâm An Khê, kong pơlê Gia Lai kô kum tơkâ luâ ki ‘mêi dêi hyôh kong prâi, pro lĕm mơnâ mâ, mơnhông cheăng kâ rêh ối rế tơƀrê a tơring kố.

VOV4.Xơ Đăng - 15 Khu kơphế xú kơhiâm lĕm châ rah xo ing roh Tơ’noăng Kơphế ki xú lĕm Việt Nam 2024 kô châ tơbleăng tăng yă ki lâi kơnâ tâ hâi lơ 17/8  la ngiâ a Hà Nội.

VOV4.Xơ Đăng - Kơxo lơ 7/8, Tôh rah chêh dêi Khu iâ mơngế hriăn plĕng cheăng kâ - pơlê pơla hôp roh tâi tâng vâ veăng tơpui tơdroăng tơkêa bro tơbleăng Mơnhên 5 hơnăm pêi pro troăng pêi cheăng ton xŏn mơnhông cheăng kâ - rêh ối pơlê pơla 10 hơnăm 2021 – 2030, troăng pêi cheăng la ngiâ, hnoăng cheăng mơnhông cheăng kâ – rêh ối pơlê pơla 5 hơnăm 2026 – 2030 (tối ‘nâng ‘nâi cho Tơbleăng Cheăng kâ – Rêh ối pơlê pơla).

VOV4.Xơ Đăng - Tung 2 hâi lơ 6 ƀă lơ 7/8, kong pơlê Dak Lak hiăng tơkŭm po mơnhên rah khu tơmeăm OCOP (Tơdroăng rêm cheăm môi tơmeăm) roh má 2.

VOV4.Xơ Đăng Kong pơlê Dak Lak ai tơnêi pêt plâi sầu riêng kân má môi lâp tơnêi têa, dế pơxiâm troh rơnó krí plâi sầu riêng hơnăm 2024. Rơnó plâi sầu riêng hơnăm kố kong pơlê tơngah kô châ krí lối 300 rơpâu tâ̆n, dế pơxiâm ƀă mâu tơdroăng ối tô tuăn, drêng kong mêi ton pro plâi tơruih chiâng pá vâ kơdroh ki tro lŭp mê. Tơdroăng kong mêi ton ƀă mâu tơdroăng ki dế hlo hên a Dak Lak xuân cho tơdroăng pơloăng mơnúa kân, kal thế ai troăng hơhlâ pêi tơdrêng vâ tơkâ luâ ƀă pơtối pêi pro tơniăn.

VOV4.Xơ Đăng - Tíu xiâm ki pêt plâi sầu riêng cho tơring Krông Pač, kong pơlê Dak Lak hiăng hbrâ rơnáu dêi rơnó krí ƀă kơhnâ pêi pro krâu tơdroăng ăm Leh tơbleăng plâi Sầu riêng roh má 2 apoăng khế 9 la ngiâ. Ôh ta xê to tơring ki pêi pêt plâi sầu riêng hên má môi, ai lối 8.000 ha a rơnó ki krí tê, Krông Pač ối cho tíu xiâm ki tí tăng rôe, tâ tung kơxâk, mơ’no tê plâi sầu riêng dêi Dak Lak bă tung lâp kơpong Tây Nguyên. Rak vế tơniăn ăm rơnó krí, khu râ kăn pơkuâ dêi tơring Krông Pač hiăng thăm mơdêk hnoăng cheăng kring vế tơniăn troăng prôk, kring vế tơdroăng rêh ối, seá mơnhên ngăn tơdroăng cheăng tê - rôe ƀă rak vế ngăn ‘na ki dâi lĕm dêi plâi.

VOV4.Xơ Đăng - “Pơtối tŏng gum, thăm mơdêk hên ó tâ nếo hnoăng cheăng ki tối tơbleăng, mơhno mơđah kơphế ki dâi lĕm dêi Việt Nam troh a mơngế rôe ôu tung tơnêi têa ƀă lâp plâi tơnêi”.

VOV4.Xơ Đăng - Kơxo hâi lơ 1/8, pôa Lê Minh Hoan - Ngế xiâm ngăn ‘na Chiâk deăng ƀă Mơnhông thôn pơlê rơtế ƀă mâu kăn hiăng lăm pêi cheăng ƀă Vi ƀan kuăn pơlê dêi kong pơlê Gia Lai vâ tah tơdroăng pá, tăng kơpong troh têa ki nếo ăm rơchôa Ia Mơr.