Lối 1.000 tơmeăm OCOP lâp tơnêi têa tơkŭm a Festival reăng Đà Lạt
Thứ năm, 13:46, 26/12/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Cho môi tung 10 tơdroăng ki xiâm dêi Festival reăng Đà Lạt hơnăm 2024, a kong viên Trần Quốc Toản, pơlê kong kơdrâm Đà Lạt, Vi ƀan hnê ngăn kong pơlê Lâm Đồng hiăng pơxiâm po kơpong mơđah tơbleăng ƀă pơkâ mơdêk tê mơdró tơmeăm OCOP dêi mâu kơpong.
Ton troh tâi hâi lơ 30/12 la ngiâ, tơdroăng tơbleăng lối 1 rơpâu tơmeăm ki xiâm tung tơnêi têa. Kơpong mơđah tơbleăng ƀă pơkâ mơdêk tê mơdró tơmeăm OCOP a Đà Lạt ai lối 200 kơbong mơđah tơbleăng tơmeăm dêi 120 tíu pêi cheăng, khu mơdró kâ, mâu khu tơrŭm pơkâ mơdêk tê mơdró tung tơnêi têa veăng.
Akố, lối 1 rơpâu tơmeăm châ hbru ăm tơmeăm OCOP ing 3 hơlŏng troh 5 hơlŏng dêi mâu kong pơlê tung lâp tơnêi têa, tơmeăm ki xiâm dêi mâu kơpong châ tơbleăng tê ăm kuăn pơlê ƀă tơmối. Tiô jâ Nguyễn Thị Hồng Quyên, Kăn pơkuâ Kŏng ti pêi cheăng tiô rơnó Cô Ba Chuyên, kong pơlê Đồng Nai, kố cho rôh tơ’lêi hlâu kân vâ tíu pêi cheăng mơđah tơbleăng tơmeăm ki xiâm dêi kong pơlê tơná troh ƀă mâu ngế ki roê tung tơnêi têa ƀă kong têa ê.
Viết bình luận