Kố cho môi tơdroăng châ tơbleăng tối a rôh Hôp mơgêi tơdroăng cheăng hơnăm 2024, tơbleăng tơdroăng vâ pêi hơnăm 2025. Hơnăm 2024, tâi tâng tơmeăm tung lâp kong pơlê tê châ 141.326 rơtal liăn, tâk lối 16% tâng pơchông ƀă hơnăm 2023.  Tơmeăm tê ăm kong têa ê châ lối 1,8 rơtal dollars, tâk 24% tâng pơchông ƀă hơnăm hdrối, luâ 15% tiô pơkâ.

Tơdrêng amê, kơxô̆ liăn pêi lo riên rêm ngế dêi kong pơlê châ lối 72 rơtuh liăn/ngế, luâ pơkâ ai 68 rơtuh liăn/ngế. Dak Lak pơtối tơmâng khât a tơdroăng rêh ối pơlê pơla. Kơxô̆ rơpŏng kơtiê hiăng chu kơdroh hên, sap lối 90% mơ’nui hơnăm 2023 chu ối 6% a mơ’nui hơnăm kố.

Hơnăm 2025, Dak Lak pơkâ tâk ‘na cheăng kâ a kơlo 8%. Pôa Phạm Ngọc Nghị, Kăn hnê ngăn Vi ƀan kuăn pơlê kong pơlê Dak Lak pơkâ thế mâu cheăm tơring tung kong pơlê pơtối rak vế pêi pro hnoăng cheăng tơná kơhnâ tung pêi cheăng, tơbleăng troăng rơhlâ pêi tơƀrê pơkâ dêi tơdroăng Pơkâ hôp kân Đảng ƀô̆ kong pơlê rôh má 17.