Tơpui hnê mơhno a rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên: Chin phuh, Ngế pro xiâm hnê ngăn Chin phuh nhuô̆m mơnê tơdroăng tơrŭm, tŏng gum rơtế prôk dêi Kuô̆k hô̆i, dêi tâi tâng kăn pơkuâ Kuô̆k hô̆i tung pơla mơjiâng ƀă tơbleăng mâu luât, tơdroăng pơkâ a mâu hneăng hôp pơla hdrối nah dêi Kuô̆k hô̆i, malối cho Hneăng hôp má 8. Tung iâ chôu phut mê, pơkâ thế khât, Ngế pro xiâm hnê ngăn tơnêi têa pơkâ thế mâu kăn mơdêk hnoăng cheăng tơná, tơkŭm tuăn ngoâ, pơchuât tơbleăng, veăng tơpui leăng ‘nâng ‘nâi; ăm rơkong tơpui tối nhên, tơdrăng tung mâu tơdroăng ki xiâm.

A rôh hôp, mâu kăn tơmâng hlá mơ-eá pơchuât dêi Chin phuh ‘na tơkŭm tơbleăng drêng pêi pro mâu luât, tơdroăng pơkâ châ Kuô̆k hô̆i hneăng 15 tơbleăng a Hneăng hôp má 8; kăn pơkuâ mâu khu râ, kơvâ cheăng, kơ koan Tơnêi têa ƀă kong pơlê pơchuât tơbleăng, tơpui tối mâu tơdroăng tơná vâ.