Pôa Lê Thành Long, Ngế pro xiâm phŏ hnê ngăn Chin phuh tối nhên  Đảng, Chin phuh Việt Nam đi đo ngăn tơdroăng ‘mâi mơnhông ƀă mơdêk tơrŭm cheăng tơnêi têa a chê dêi rơpó tơrŭm tơroâ, tơrŭm cheăng tung la ngiâ tŭm têk Việt Nam – Sinuâ, kố cho pơkâ thế ki tro, rah xo tơdroăng cheăng tung la ngiâ ƀă kơjo xiâm tung troăng tơpui kâ tơniăn krê, hên kơvâ cheăng pơhlêh, pro pơhlêh dêi Việt Nam.

Vâ ‘mâi mơnhông ƀă mơdêk troăng mơnhông tơniăn lĕm dêi tơrŭm péa Đảng, péa tơnêi têa tung la ngiâ, malối cho tung hơnăm 2025 tơbâ 75 hơnăm mơjiâng tơrŭm cheăng tơpui kâ péa tơnêi têa. Pôa Lê Thành Long, Ngế pro xiâm phŏ hnê ngăn tơnêi têa pơkâ thế Kăn teăng mâ Hà Vĩ ƀă Kăn teăng mâ Sinuâ a Việt Nam mơdêk mâu kơ koan cheăng Sinuâ tơrŭm ƀă mâu khu xiâm, kơvâ cheăng, kong pơlê Việt Nam tơbleăng pêi pro tơƀrê tơkêa ƀă hlê plĕng tơdjuôm khu râ kăn xiâm, rak vế ƀă mơnhông khôi hmâ tơniăn lĕm trâm mâ, mơdêk tơdjuôm tơpui tơno pơla Kăn pơkuâ xiâm ƀă mâu râ kăn dêi péa Đảng, péa Tơnêi têa.