Lâp tung kong pơlê Kon Tum nôkố ai 35 khu pêi cheăng tơrŭm, tôh pêi cheăng tơrŭm, khu mơdró ƀă vâ chê 800 túa pro kơdrum deăng xua mâu ngế lêng hneăng hdrối pro xiâm. Mâu túa păn ro, păn pú pái ai kuăn dêi Khu lêng hneăng hdrối dêi 2 tơring Ngọc Hồi, Đăk Glei; túa păn pah nâng tê ki ôh tá ai trâp dêi Khu lêng hneăng hdrối tơring Sa Thầy, túa pêt loăng, nhâ pơkeăng dêi khu lêng hneăng hdrối tơring Tu Mrông, nếo pêi châ tơƀrê hên, hlối po rơdâ vâ gum tơ’nôm ăm hrĭng ngế lêng hneăng hdrối hluăn kơtiê krá ton.

Kơnôm pêi tro tơdroăng mơhnhôk “Mâu lêng hneăng hdrối gum dêi rơpó pêi cheăng kâ xăm kơtiê, pêi cheăng kâ rơkê’’, 5 hơnăm hdrối kơxô̆ rơpŏng kơtiê tung khu kơdroh ing lối 16% chu ối pá xôp 8%.