Pôa Dương Văn Trang, Kăn pơkuâ hnê ngăn Đảng, Kăn hnê ngăn Hô̆i đong kong pơlê Kon Tum pơkuâ po rôh hôp. A tơdroăng Pơkâ 1761, hâi 17/12/2024, Khu pơkuâ ngăn Tíu xiâm Đảng pơkâ tro tơdroăng ki veăng tung Khu pơkuâ hnê ngăn Đảng Kon Tum pơla hơnăm 2020 – 2025 ƀă jâ Trương Thị Linh, Ngế cheăng tung Khu pơkuâ hnê ngăn cheăng Đảng, ƀă Đăi tă Nguyễn Thế Vinh, Ngế cheăng tung Khu pơkuâ hnê ngăn cheăng Đảng, kăn pơkuâ Khu pơkuâ ngăn lêng kong pơlê.

Diâp pơkâ dêi Khu pơkuâ ngăn Đảng ăm jâ Trương Thị Linh prế Đăi tă Nguyễn Thế Vinh, pôa Dương Văn Trang, Ngế cheăng tung Tíu xiâm Đảng, Kăn pơkuâ hnê ngăn Đảng, Kăn hnê ngăn Hô̆i đong kong pơlê Kon Tum tối nhên, kố rế cho tơdroăng ki hâk tơngăm, rế cho hnoăng cheăng kân dêi Đảng loi tơngah pơcháu. Pôa Dương Văn Trang rơhêng vâ 2 ngế cheăng ki nếo dêi Khu pơkuâ hnê ngăn cheăng Đảng Kon Tum pơtối mơ-eăm mơdêk ki rơkê vâ pêi châ tơdroăng púi vâ dêi tơdroăng cheăng châ pơcháu.