Teăng mâ kăn pơkuâ Đảng, Tơnêi têa, pôa Phạm Minh Chính, Ngế pro xiâm hnê ngăn tơnêi têa pơtroh rơkong rơkâu kuăn pơlê khôp Pâ Xeăng a Hngêi Pâ Xeăng Lào Cai. Ngế pro xiâm hnê ngăn tơnêi têa tối nhên Đảng, Tơnêi têa rơhêng vâ ƀok xối kân, mâu ƀok moan, mâu yah chĭng, mâu ngế ki gum cheăng, mâu ngế ki hriâm vâ pro ƀok, yah pơtối ai hiâm mơno “Loi Pâ Xeăng pâ tơnêi têa”, “rêh ối lĕm ‘na châ tro ‘na mơhúa”, Tơdroăng khôp tro ƀă hdroâng mơngế, veăng gum tung tơdroăng mơnhông tơnêi têa ƀă ăm tơrŭm cheăng Việt Nam – Vatican rế hía rế tơniăn lĕm.

Ngế pro xiâm hnê ngăn tơnêi têa tối nhên, Đảng, Tơnêi têa Việt Nam đi đo môi tuăn ƀă troăng rak vế hnoăng tơniăn krê tung tơdroăng loi tĭng tiô khôp dêi kuăn pơlê, ăm veăng mơjiâng, rak vế Tơnêi têa. Ngế pro xiâm hnê ngăn tơnêi têa pơkâ thế khu pơkuâ hnê ngăn cheăng Đảng, khu kăn pơkuâ rêm râ kong pơlê Lào Cai ƀă mâu kong pơlê tung lâp tơnêi têa rơtế ƀă Khu pơkuâ tơdroăng tiô khôp Chin phuh đi đo séa ngăn mâu kơpong xơpá vâ teăm tŏng gum kuăn pơlê; rak vế ăm kuăn pơlê châ pơxúa rơnó Pâ Xeăng chu chiâng kuăn mơngế tơniăn lĕm.