Pôa Bùi Thanh Sơn, Ngế pro xiâm phŏ hnê ngăn Chin phuh tơmâng xo ƀă mơnhên tối khât 7 tơdroăng ki pêi pro tơƀrê dêi kơvâ cheăng kơmăi kơmok ƀă tê mơdró, veăng gum kal khât ăm tơdroăng ki tơƀrê tơdjuôm dêi lâp tơnêi têa châ ƀă tơkâ luâ tâi tâng 15 tơdroăng pơkâ pêi, tung mê, ki têi tâk GDP plâ hơnăm 2024 châ lối 7%.

Ki rơhêng vâ tối cho kong ngiê̆p mơdêk khât ƀă tâk a tâi tâng mâu kong pơlê; Tê tơmeăm ngi kong têa ƀă roê tơmeăm mot tung tơnêi têa châ a kơlo 800 rơtal dollars, tiô riân kơxô̆ liăn châ xo ing tê tơmeăm ngi kong têa ê châ 403 rơtal dollars. Ki xiâm cho kơxô̆ liăn châ xo ing tê  tơmeăm ngi kong têa ê tâk hên, ƀă tơdroăng ‘mâi mơnhông tơƀrê dêi mâu khu tơmeăm ki tê kong têa ê xiâm, tâk dâng 13,6% tâng vâ pơchông ƀă hơnăm 2023.

Mot tung hơnăm 2025, tiô pôa Bùi Thanh Sơn, Ngế pro xiâm phŏ hnê ngăn tơnêi têa, tơdroăng ki apoăng cho athế ai tơdroăng luât tơ’lêi hlâu, nhên, tơdrăng ƀă pro tơ’lêi ăm tơdroăng ki pá puât ‘na mâu tơdroăng chêh pro hlá mơ-éa ăm mơjiâng pro kế tơmeăm kơmăi kơmok ƀă mơdêk tê mơdró, tơ’lêi hlâu mâu kế tơmeăm.