Hơnăm 2024, pêi lo liăn tung pêi chiâk deăng, loăng pơlái kong kế ƀă ká xi xŏng kong pơlê Dak Lak tiô tối châ lối 23.500 rơtal liăn, hên châ 1,4 xôh tâng pơchông ƀă tơdâng lâp tơnêi têa, veăng gum kân tung tơtêk cheăng kâ tơdjuôm dêi kong pơlê.

Tơdroăng pêt mơjiâng tơmeăm pêi lo ing chiâk deăng dêi kong pơlê dế chôa ‘lâng châ pơhlêh tiô troăng rơxông nếo, mơnhông tá troăng rơdâ ƀă troăng trâu hơngế, mơnhông ki pơxúa dêi rêm tơring, ƀă tơdroăng kal vâ kơchơ mơdró, kâi trâng ƀă kong prâi pơhlêh ƀă mot tơrŭm lâp plâi tơnêi.

Kong pơlê Dak Lak pơtối pơhlêh nếo ƀă mơdêk ivá châ tơƀrê mâu troăng pêi tơkŭm po pêt mơjiâng tơmeăm ƀă mơhnhôk khu tê mơdró mơ’no liăn tung pêt mơjiâng tơmeăm pêi lo ing chiâk deăng. Hơnăm 2025, kơvâ pêi chiâk deăng kong pơlê Dak Lak pơkâ tơdroăng vâ pêi châ plah mơ-eăm ki kơnâ tơmeăm pêi lo ing chiâk deăng loăng pơlái kong kế, ká xi xŏng tung kong pơlê châ 24.700 rơtal liăn, hno têa tơniăn bê têa tôh ăm lối 85% ƀăng klâng chiâk, loăng plâi.