Túa pơkâ kố xua Vi ƀan hnê ngăn kong pơlê Dak Lak pơkâ cho vâ thăm mơdêk ki kơnía dêi inâi, rak vế tơdroăng loi nhuô̆m ƀă hnoăng pơxúa dêi rêm pâ ai tơdjâk troh. Túa pơkâ kố cho hvêa chêng prôk ki kal tung tơdroăng mơjiâng inâi kơphế Ƀuôn Ma Thuột ôh ti xê to tung tơnêi têa mê ối a kong têa ê.

Túa pơkâ kố pơkâ nhên ‘na túa pơkâ uâ pơliê, tâ tung tơdrong ƀă rak ngăn kơphế xuân môi tiah chêh krâ inâi kơphế hnê mơhno tơnêi Ƀuôn Ma Thuột. Bu to mâu tơmeăm kơphế Robusta châ pêt, krí ƀă uâ pơliê tung kơpong tơnêi châ mơnhên ối tung pơlê kong kơdrâm Ƀuôn Ma Thuột ƀă mâu kơpong ki a chê dêi Dak Lak, pêi pro châ mâu tơdroăng pơkâ ki dâi lĕm nhên, nếo châ phêp xúa hnê mơhno tơnêi kố. Mâu khu tơrŭm, mâu ngế krê ai hnoăng xúa athế chêh inâi ƀă pêi pro kơtăng túa pơkâ, sap ing pêt troh uâ pơliê.