Teăng mâ mâu kăn pơkuâ hnê ngăn Đảng, Tơnêi têa nhuô̆m diâp Medái Pêi cheăng Ối má môi ăm Đảng ƀô̆ khu râ kăn pơkuâ ƀă kuăn pơlê kong krâm Phước Long, pôa Tô Lâm, Kăn xiâm pơkuâ hnê ngăn Đảng tối pâ mơnê trâu hơngế hnoăng mâu Ngế khên tơnôu hlâ tung tơplâ xâ, kuăn pơlê, khu mâu ngoh hiăng khên tơnôu tơplâ, hlâ ăm kơpong tơnêi “Peăng mâ hâi Lo pá puât laga Khên tơnôu’’, ăm tơdroăng tơleăng lĕm – môi tuăn tơnêi têa.

Kăn xiâm pơkuâ hnê ngăn Đảng kheăn kơdeăn ƀă mơnhên păng ‘nâng mâu tơdroăng châ tơƀrê kong pơlê Bình Phước hiăng châ tung vâ chê 50 hơnăm tơleăng lĕm. Ing môi kong pơlê ai hngêi trăng, troăng klông tá hâi lĕm tâi tâng, tơdroăng cheăng kâ kŭn, tơdroăng rêh ối dêi kuăn pơlê pá puât, Ƀình Phước hiăng ƀă dế pơhlêh rêm hâi vâ chiâng ‘’tơdroăng ki mơnhông mơdêk’’ dêi lâp kơpong.

Kăn xiâm pơkuâ hnê ngăn Đảng pơkâ thế kong pơlê pơtối mơnhông ó rơdêi tơdroăng khên tơnôu, tuăn ngôa rơkê, tơdroăng ki mơ-eăm, hiâm mơno ƀă ivá ó rơdêi dêi khu tơrŭm môi tuăn tâi tâng hdroâng mơngế vâ pro tơkâ hluâ, mơhnhôk ƀă xúa châ tơƀrê tâi tâng tơmeăm ki ai tung pơlê pơla; mơdêk rĕng tiô rơxông nếo, pơhlêh xúa kŏng ngê̆ vâ mơjiâng khu mơjiâng tơmeăm; thăm tơdjêp kơpong ing mơjiâng hngêi trăng, troăng klông ki kal; mơjiâng hên cheăng pêi ƀă mơdêk pêi lo liăn; mơdêk ki dâi lĕm tơdroăng rêh ối ăm kuăn pơlê.