Tơpui pơxiâm po Rôh hôp, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, Rôh hôp Kuô̆k hô̆i ‘na tơrŭm cheăng Tơpui nâl Pơhlăng rôh kố cho môi tung mâu tơdroăng cheăng dêi Kuô̆k hô̆i Tơpui nâl Pơhlăng klêi kơ’nâi Rôh hôp khu râ kăn xiâm Paris.

Kuô̆k hô̆i Việt Nam rơhêng vâ ing mâu tơdroăng cheăng kố veăng gum mơnhông tơrŭm cheăng Tơpui nâl Pơhlăng: tiah mê mơhnhôk, môi tuăn mâu tơdroăng cheăng tơrŭm ‘na khoa hok, kong ngê̆, pơhlêh nếo, mơdêk cheăng kâ kơxô̆, pơxiâm pêi cheăng, mơdêk tơrŭm cheăng tơdjuôm – tơrŭm cheăng krê; mơđah tơbleăng nâl Pơhlăng, mơdêk hên tơdroăng pêi pro mơnhông krá tơniăn, rak vế tơniăn lĕm pơla ivá mơ-eăm mơnhông, xut tah kơklêa kơtiê ƀă rak vế kong prâi tơnêi tơníu.