Pôa Tô Lâm, Kăn xiâm pơkuâ hnê cheăng Đảng ăm ‘nâi a hneăng hôp rôh kố, Tíu xiâm tơpui tơno ăm hnê tối 3 tơdroăng  tung mê ai 3 khu tơdroăng kal cho: Mơgêi tơdroăng pơkâ Hneăng hôp 18 dêi Tíu xiâm ‘na pơ’lêh nếo, xĭng xoăng pro lĕm khu cheăng ăm tơnêi têa dêi khu cheăng kal kí iâ mơngế, tơdroăng cheăng pêi tơƀrê, pơxúa.

Tơdroăng tơkêa bro tơ’nôm pơkâ mơdêk GDP hơnăm 2025 xap 8% tơngi klêng; tơdroăng cheăng Kăn ƀô̆ tiô pơkâ dêi tíu xiâm tơbleăng tăng ngăn nếo ngăn hnê mơhno, pơkuâ dêi khu xiâm kal kí, Kăn hnê cheăng Đảng tung hơnăm 2024; tơbleăng tơdroăng séa ngăn, tăng ngăn hơnăm 2024 ƀă tơdroăng tăng ngăn hơnăm 2025.

‘Na tơdroăng mơgêi Pơkâ 18, Pôa Tô Lâm tối nhên, kố cho tơdroăng ki kal dêi hneăng hôp rôh kố. Khu xiâm kal kí, Khu kăn hnê cheăng Đảng hiăng hnê mơhno pêi kơtăng thâ tơbleăng mơgêi pơkâ 18 ƀă xing xoăng mâu khu cheăng tung mâu kăn ing  tơdroăng rah mơngế cheăng ăm tơnêi têa “hlối kơtâu hlối pơtăng’’ ôh tá  pá la xuân ôh préa tơdroăng, tơniăn tro tiô luât dêi Đảng, pơkâ, tiô luât, troăng hơlâ hnê dêi Tíu xiâm.