Hơnăm 2024, Khu xiâm pơkuâ Kan sát cơ đô̆ng hiăng pêi lĕm tro tơdroăng tơbleăng troăng pêi cheăng ton xŏn ƀă Đảng, Tơnêi têa, Đảng ŭy Kŏng an Tơnêi têa, khu râ kăn pơkuâ Khu xiâm Kŏng ‘na tơdroăng pêi cheăng lêng gâk kring tơnêi têa, tơniăn pơlê pơla, tơniăn lâp pơlê pơla, gâk kring tâi tâng mâu pơkâ, mâu tơdroăng ki kal dêi tơnêi têa; mâu khu tơmối lâp plâi tơnêi troh lăm pôu ƀă pêi cheăng a Việt Nam. Kăn xiâm hnê ngăn tơnêi têa tối nhên, hơnăm 2025 cho hơnăm ki kơnâ má môi, cho hơnăm tơkŭm po hneăng hôp đảng ƀô̆ mâu râ la ngiâ tơkŭm po Hneăng hôp má XIV dêi Đảng ƀă tơdroăng kal kí, khôi túa lĕm tro kân kĭn dêi tơnêi têa. Xua mê, pơkâ, hnoăng cheăng dêi khu Kan sát cơ đô̆ng tung hơnăm 2025 ƀă mâu hơnăm pơtối tiô cho hngăm.

Vâ tơxâng hnoăng cheăng tung rơxông nếo, Kăn xiâm hnê ngăn tơnêi têa pơkâ khu Kan sát cơ đô̆ng pơtối hriăn plĕng, hlê plĕng pêi pro trâu hơhngế, po rơdâ pêi pro châ tơƀrê mâu troăng hơlâ, troăng prôk dêi Đảng, troăng hơlâ, luât dêi Tơnêi têa ‘na gâk kring tơnêi têa, gâk kring tơniăn, tơniăn lăm pơlê pơla ƀă mơjiâng khu cheăng tung rơxông nếo./.