Tơraih rơxế ki lăm ngi kong pơlê ê dêi Dak Lak nôkố dế kĭ hơp đong 180 toăng rơxế kơtâu dêi 35 khu tê mơdró pơto tơmối, kơto a 24 troăng rơxế lăm ngi kong pơlê peăng Tơdế tơnêi têa ƀă peăng kơnhŏng. Sap ing khế 12/2024, tíu cheăng hiăng pơkâ tâi tâng mâu khu ki pơkuâ tê mơdró kĭ tơkêa pêi pro pơto tơmối ƀă tơmeăm khoăng tiô tro pơkâ dêi Khu xiâm pơkuâ troăng prôk ƀă rơxế kơtâu ƀă liăn ngân.

Ki nhên, ƀă mâu roh rơxế kơtâu Dak Lak lăm mâu kong pơlê ing Nghệ An ngiâ lo, yă vĕ ƀă tơmeăm khoăng tâk ôh tá hluâ 50%; mâu troăng rơxế riân ing Hà Tĩnh ngiâ mot, kơlo tâk ôh tá hluâ 40%. Tung pơla xúa sap ing hâi lơ 17/1 – 10/2/2025 (cho hâi lơ 18 khế 12 âm lĭt  troh khế môi âm lĭt).