Roh lăm pôu dêi pôa Phạm Minh Chính, Ngế pro xiâm hnê ngăn tơnêi têa hiăng châ mâu tơdroăng châ tơƀrê hên, djâ tơrŭm cheăng nhŏng o tiô khôi vâi krâ nah pơla Việt Nam ƀă Ba Lan, Cezch ƀă Swiss mot tung hneăng mơnhông nếo, mơdêk râ ki kal, thăm loi tơngah kal kí. Pôa Phạm Minh Chính, Ngế pro xiâm hnê ngăn tơnêi têa hiăng ai lối 30 roh tơpui tơno, trâm mâ, xông tơpui troăng hơlâ, veăng hôp tơpui tơno khu tê mơdró, veăng tơdroăng “Rơnó Hơngui pơlê xiâm’’, lăm pôu mâu tíu mơhno khôi túa lĕm tro, khoa hok – kih thuât a mâu kong têa.

Tung lối 30 nâl a Davos, pôa Phạm Minh Chính, Ngế pro xiâm hnê ngăn tơnêi têa hiăng ai môi troăng prôk ki rơkê ƀă hên tơdroăng rêm pâ ƀă péa pâ. Ngế pro xiâm hnê ngăn Chin phuh, kăn pơkuâ Khu xiâm, kơvâ cheăng kong pơlê hiăng xông tơpui ƀă tơno ƀă hên grup pơkuâ má môi a 5 roh tơpui tơno tung hên kơvâ ki xiâm, ing kŏng ngê̆ rơxông nếo, tuăn ngôa rơkê ki kuăn pơlê pro troh pơkeăng, hngêi trăng troăng klông rơkê, on tơhrik krúa lĕm kong prâi ƀă tíu xiâm pơkuâ liăn ngân.