VOV4.Xơ Đăng - Mơdêk ki ai hlâu, ki pơxúa ai hlâu, mâu hơnăm achê kố kong pơlê Kon Tum mơdêk rơdêi tơdroăng ki pêt pơkeăng ƀă khŏm mơ-eăm ăm kong pơlê Kon Tum chiâng kơpong pêt pơkeăng ki xiâm dêi tơnêi têa ƀă chiâng tíu xiâm pêt pơkeăng kân má môi dêi lâp tơnêi têa a hơnăm 2025. Ki khât gá ăm hlo, rơtế ƀă mâu hdrê pêt ki iâ hơnăm, hdrê pêt ki ton hơnăm, môi tiah báu, pôm loăng, kơphế, ƀă hên ki ê tơdroăng ki pêt pơkeăng dế gum kuăn pơlê Kon Tum mơdêk pêi lo liăn, tơdroăng rêh ối rế hía rế phâi hơtô tâ. Laga ƀă tơdroăng ki po rơdâ ƀăng tơnêi, la tơdroăng ki xúa túa pêt pơkeăng gá tá hâi tơdâng mê hiăng pro pơreăng xông kâ ‘nhiê pro kuăn pơlê tro lŭp. Ngế chêh hlá tơbeăng ai chêh ‘na tơdroăng mê.

VOV4.Xơ Đăng - Vi ƀan hnê ngăn kong pơlê Kon Tum hiăng pơkâ chêh ‘mot tơ’nôm tơdroăng tơkêa khoa hok kong ngê̆ râ kong pơlê, pro tíu khoa hok ƀă ki khât vâ po rơdâ tơdroăng ki rak vế hnê mơhno tơnêi tơníu “Ngọc Linh” ăm sâm pôm a kong pơlê Kon Tum.

VOV4.Xơ Đăng - Pơkâ kơxô̆ 09-NQ/TƯ xua Khu pơkuâ Đảng ƀô̆ kong pơlê Gia Lai hneăng má XV hơnăm 2019 ‘na rak vế ƀă  mơnhông pêt mơjiâng loăng pơkeăng tung kong pơlê Gia Lai troh hơnăm 2025, mơnhên troăng prôk troh hơnăm 2030, châ pơkâ pơkuâ, xúa krá tơniăn loăng pơkeăng ki ai xêh; chiâng mâu kơpong pơkeăng ƀă uâ bro pơkeăng a kong pơlê. Troh nôkố, mâu tơdroăng pêi mê hiăng châ tơƀrê apoăng, malối tung pêi pro tiô pơkâ hiăng po troăng mơnhông cheăng kâ, rêh ối ăm kuăn pơlê Gia Lai ing loăng pơkeăng.

VOV4.Xơ Đăng -  Djâ tơmeăm pê lo ing chiâk tê mơdró tung điê̆n tưh nôkố hiăng ai môi ƀâng tê tơmeăm pêi lo ing chiâk ki kal dêi hên kuăn pơlê a Dak Nông. Ăm hlo tơdroăng tê mơdró tung điê̆n tưh tơhrâ kô mơdêk pơhlêh kơxô̆ tung pêi chiâk a kong pơlê. Ing mê, pơ’lêh tuăn tơmiêt ‘na pêi chiâk, kô ôh tá hơngế ing tơdroăng pêi lo tơmeăm troh mơngế rôe xúa, mơnhông ki pơxúa ‘na cheăng kâ.

VOV4.Xơ Đăng - Nôkố hên kuăn pơlê pêi chiâk a Dak Lak dế ko ‘nhiê dêi mâu hdrê loăng pêt ton hơnăn pơhlêh pêt sầu riêng ƀă tơngah châ xo liăn hên tâ. Tơdroăng ki pêt loăng plâi sầu riêng mơni kô trâm tơdroăng ôh tá mơhúa ôh ti xê to ƀă ngế ki pêt mê tơdroăng ôh tá mơhúa mê ối tơdjâk troh kơvâ plâi sầu riêng.

VOV4.Xơ Đăng –  Dak Lak cho kong pơlê ối má môi kơpong Tây Nguyên ƀă ối tung top 10 kong pơlê, pơlê kong kơdrâm ai kơxô̆ hngêi păn chêm yến kân má môi lâp tơnêi.

VOV4.Xơ Đăng - Kơxê hâi lơ 12/11, Ngế ngăn ‘na Chiâk deăng ƀă Mơnhông thôn pơlê kong pơlê Lâm Đồng ăm ‘nâi, hiăng ai 330 rơpŏng kuăn pơlê môi tuăn ƀă troăng rơhlâ chêl thiăn liăn ki tro lŭp tơdroăng păn ro xo têa tôu tro tâ pơreăng ƀă hlâ xua pâk vaccine êi kéa po pom Navet -LpVac dêi kŏng ti Navetco.

VOV4.Xơ Đăng - Tíu ki pêt hên sầu riêng Krông Pač, kong pơlê Dak Lak kô pơtối tơkŭm mơjiâng kơvâ sầu riêng krá tơniăn ƀă tiô tối hdrối hơnăm 2025 kô châ xo 7.500 rơtal liăn ing kơvâ plâi ki kố”.

VOV4.Xơ Đăng - Pêi pro tiô Pơkâ Hneăng hôp Đảng ƀô̆  kong pơlê roh má XVI, hneăng hơnăm 2020 – 2025, 4 hơnăm hiăng hluâ kong pơlê Kon Tum pêt nếo châ vâ chê 18.000 hectar kong, tơkâ hluâ vâ chê 3.000 hectar tiô pơkâ mơ’no. Ôh tá xê to hluâ pơkâ pêt kong rĕng tâ lối 1 hơnăm, ing tơdroăng pơkuâ, hnê mơhno dêi Khu râ kăn pơkuâ hnê ngăn cheăng Đảng kong pơlê Kon Tum hiăng ai tơdroăng ki pơhlêh tung hlê plĕng, pêi pro dêi mâu râ, mâu kơvâ cheăng ƀă kuănpơlê ‘na mơnhông pêt kong krá tơniăn.

VOV4.Xơ Đăng - Xi xŏng kơtâng ngiêt  ai păn hên a Miền Tây ƀă Peăng mâ hâi lo ‘na hdroh tơnêi têa ƀă vâ tối hơngế tơviah ƀă kơpong Tây Nguyên. Laga, ƀă tơdroăng mơnúa păn ƀă xúa mâu troăng hơlâ túa păn ki nếo, ngoh Nguyễn  Đức Thành ối a thôn Hiệp Hòa, cheăm Quảng Hiệp, tơring Čư̆ Mgar (Dak Lak) hiăng păn hlo châ tơƀrê xi xŏng mê, châ xo hrĭng rơtuh liăn rêm hơnăm, po troăng ki tơngah po rơdâ păn hên a mâu tíu ki ê a kong pơlê. Tuấn Long ai chêh tơdroăng mê, pó vâi krâ nhŏng o kô tơmâng.