VOV4.Xơ Đăng - Lâm Đồng cho kong pơlê ki djâ troăng ahdrối tung pêi chiâk deăng xúa kơmăi kơmok chal nếo. Tung mê, lêm hơkôp nhĕng tung pêt kế tơmeăm cho môi tung mâu tơdroăng ki pro pơxúa kân, kum thăm mơdêk ki dâi lĕm dêi kế tơmeăm, mơdêk kơxô̆ liăn châ xo rơtế tung môi ƀăng tơnêi ki pêt tơmeăm. Laga, klêi hên hơnăm pêt kế tơmeăm tung hơkôp nhĕng tơdroăng ki bro thăm rế hên, rế rĕng, pro tơdjâk ‘mêi troh hyôh kong  prâi, tơnêi tơníu ki hơpok ƀă hlối bro tơdjâk hên troh chiâng ai tơdroăng ‘mêi ki ê. Xua mê, kong pơlê Lâm Đồng dế bro mâu túa pơkâ vâ tah lôi, lơ têa tah lôi tâi tâng kơdrum chiâk deăng ki lê̆m nhĕng lo ing kơpong kơphô̆ pơlê kong kơdrâm Đà Lạt ƀă mâu tơring ki a chê.

VOV4.Xơ Đăng - Kơxê hâi lơ 31/10, a cheăm Ea Kênh, tơring Krông Pač, kong pơlê Dak Lak, Khu kăn ngăn ‘na chiâk deăng ƀă mơnhông thôn pơlê kong pơlê Dak Lak tơkŭm pơcháu ƀă ăm xúa tơmeăm khoăng mơjiâng pro long têa ăm krâi trâng ƀă hyôh kong prâi hơ’lêh ƀă kơjo kum tơmeăm xúa tung pêi chiâk ăm kuăn pơlê tung tơdroăng tơkêa bro “Mơdêk ivá kâi trâng dêi loăng plâi tiô pơkâ ki kŭn ƀă tơniăn têa tôh xua kong prâi hơ’lêh a kơpong Tây Nguyên ƀă Peăng Hdroh ƀă Tơdế kong pơlê Dak Lak”.

VOV4.Xơ Đăng -  Nôkố mâu ngế pêt plâi sầu riêng a Dak Lăk dế pơxiâm mot tung mâu hâi mơ’nui rơnó rơtế krí dêi plâi hơnăm 2022 - 2023 . Tiô Khu ngăn plâi sầu riêng kong pơlê Dak Lak tối, sầu riêng hơnăm kố a kong pơlê tê châ yă kơnâ, mơngế ki pêt châ xo dêi rơkâ hên.

VOV4.Xơ Đăng - Hbrâ vâ troh rơnó krí kơphế, Vi ƀan kong pơlê Dak Lak nếo pơkâ vâ pro tơniăn ăm tơdroăng pêi pêt, krí, têng uâ ƀă rơnó krí kơphế hơnăm 2023 - 2024 châ hên tơ ƀrê.

VOV4.Xơ Đăng - Khu ngăn tê rôe kế tơmeăm ăm kong têa ê, Khu xiâm ngăn tê mơdró tơrŭm ƀă Vi ƀan kong pơlê Gia Lai tơkŭm po hneăng hôp tơbleăng mâu troăng rơhlâ mơnhông ôm hyô logistics tung kong pơlê Gia Lai. Mâu kăn hiăng tối ‘na mơnhông tơdroăng tê kế tơmeăm ăm kong têa ê, tê tơmeăm pê lo ing chiâk deăng ƀă logistics tung kong pơlê Gia Lai; troăng rơhlâ mơnhông kơvâ cheăng logistics tung la ngiâ, môi troăng rơhlâ pêi tung mâu pơkâ cheăng, tơ’mot khu ‘no liăn cheăng mơjiâng pro tơmeăm khoăng logistics ƀă kong pơlê Gia Lai.

VOV4.XơĐăng - Hâi lơ 25/10, a pơlê kong kơdrâm Plei Ku, kong pơlê Gia Lai tơkŭm po Hneăng hôp tơpui tơno pơhlêh pêi cheăng xúa kŏng ngê̆ tung pêi chiâk deăng mâu kong pơlê Tây Nguyên vâ mơdêk tê tơmeăm pêi lo ing chiâk deăng.

VOV4.Xơ Đăng - A tơring Krông Păk, môi rơchôa hno têa ai kơnâng kâng pro vâ chê 15 rơtal liăn hiăng châ Vi ƀan tơring ‘’ Mơ-eăm ‘’ ‘no liăn, lôi ăm kơ koan kơvâ cheăng dêi Khu xiâm ngăn chiâk ƀă mơnhông thôn pơlê tối hdrối ôh tá chiâng xúa xua mơjiâng pro ôh tá rơhéa. Rơchôa hno têa ki mê hiăng ôh tá chiâng xúa, lôi chúa ƀă nôkố dế to tơnêi trâp, hên tiu rơheăng tơhnâp ó cho tíu ki rơ-iô ó ƀă kuăn pơlê.

VOV4.Xơ Đăng - A pơlê kong kơdrâm Ƀuôn Ma Thuột, Hngêi rak liăn tơnêi têa Việt Nam nếo tơrŭm cheăng ƀă Vi ƀan hnê ngăn kong pơlê Dak Lak tơkŭm hôp mơgêi tơdjêp pơla Hngêi rak liăn - Khu mơdró kâ kơpong Tây Nguyên. Roh hôp kố cho vâ lêi tah lôi mâu tơdroăng ki xahpá ăm khu mơdró, thăm mơdêk ăm khu mơdró kâ a Tây Nguyên châ mung tơ’lêi kơxô̆ liăn ƀă thăm mơdêk cheăng kâ-rêh ối pơlê pơla châ mơnhông tơtêk.

VOV4.Xơ Đăng - Lâp kong pơlê dế nôkố ai dâng 150 Khu pêi cheăng tơrŭm ‘na chiâk deăng, lối 270 chiâk deăng ki pêt mơjiâng hên hdrê loăng, mâu kơdroăng păn mơnăn mơnôa, kơpôu ro ƀă lối 15 rơpâu 500 rơpŏng kuăn pơlê ki châ tơrŭm tung tê mơdró kâ ƀă khu mơdró.

VOV4.Xơ Đăng -  Viê̆n khoa hok kih thuât pêi chiâk deăng, pêt, gâk ngăn kong Tây tơkŭm po mơgêi tơdroăng tơkêa bro “Mơdêk ki krá tơniăn, pêi lo châ hên ƀă ki kơnâ cheăng kâ dêi tơdroăng pêt ƀă ki kơnâ dêi kơphế ƀă tiu a kơpong Tây Nguyên” hơnăm 2023.