VOV4.Xơ Đăng - Kơxo hâi lơ 26/12, Khu xiâm ngăn ‘na chiâk deăng ƀă mơnhông thôn pơlê dêi kong pơlê Dak Lak tơrŭm ƀă Kŏng ti veăng tơlo liăn AVAC (Mơnhông ƀă pêi pro, tê mơdró vaccine a mơnăn păn) Việt Nam tơkŭm po hôp tơbleăng troăng rơhlâ xúa vaccine hbrâ mơdât pơreăng châi klêa chu Châu Phi tung kong pơlê Dak Lak .

VOV4.Xơ Đăng - Mot tung rơnó tô khăng khoăng hơnăm kố, mâu kơvâ cheăng, mâu tơring, cheăm a kong pơlê Dak Nông hiăng hbrâ rơnáu pêi pro mâu troăng hơlâ hbrâ ví  ƀă kong tô mơdrăng khăng khoăng, ôh tá bê têa vâ xúa tung pei chiâk klâng ƀă ăm kuăn pơlê ôu kâ hum roh.

VOV4.Xơ Đăng - Pơxiâm mơjiâng sap ing hâi lơ 7/11 pơla hdrối kố nah, trang thương mại điê̆n tưh Chonongsandaklak.vn xua Khu ngăn kuăn pơlê pêi chiâk kong pơlê pơkuâ ngăn, châ mơjiâng krê ăm mâu túa cheăng kâ tâi tâng ƀă tơrŭm pêt mơjiâng, tơdroăng ki rơkê tơƀrê ‘na mơđah tơbleăng kế tơmeăm, tơrŭm tíu ki kơnía dêi kế tơmeăm pêi lo ing chiâk deăng ƀă tê hên kế tơmeăm pêi lo ing chiâk deăng. 500 to kơbong mơđah tê kế tơmeăm ki apoăng a Chonongsandaklak.vn châ mơjiâng vâ ăm kuăn pơlê tối dêi mâu tơdroăng kế tơmeăm sap ing rôh ki mơdâ pêt troh xo dêi kế tơmeăm, tâ tung tơdrong chiâng kế tơmeăm.

VOV4.Xơ Đăng - Kong pơlê Dak Lak nếo ai tơdroăng tối tơbleăng ‘na klêi kơ’nâi rơnó krí kơphế 2022 – 2023. Ki rơhêng vâ tối, lối môi hơnăm hdrối kơphế ki hên hlo to kơnâ yă hiăng pro tâk kơlo ki ôh tá tơchĕng tơmiât tung pêt. La troăng tơmiât kố xuân pro ăm tơdroăng ki pơloăng mơnúa ăm mâu khu mơdró kâ ki tê kơphế ngi kong têa, pơkâ mơ’no tơdroăng ki rơhêng vâ hên tâ ƀă tơdroăng ki pơkuâ ngăn ki ôh tá mơhúa.

VOV4.Xơ Đăng - Kơxo hâi lơ 19/12, a pơlê kong kơdrâm Ƀuôn Ma Thuột, Khu xiâm ngăn Chiâk deăng ƀă Mơnhông thôn pơlê kong pơlê  Dak Lak tơrŭm ƀă Khu xiâm ngăn chiâk deăng ƀă mơnhông thôn pơlê kong pơlê Quảng Ngãi tơkŭm po Hôp tơpui tơno tê mơdró ƀă tơdjêp tê mơdró mâu tơmeăm pê lo châ mơnhên OCOP hơnăm 2023.

VOV4.Xơ Đăng - A pơlê kong kơdrâm Ƀuôn Ma Thuột, kong pơlê Dak Lak, Tíu  xiâm hriăn plĕng ‘na Pêt kong ki ai hyôh tô rơngiâp Việt Nam nếo tơkŭm po roh hôp “Vêh mơnhông pêt kong a Dak lak: Tơ’lêi hlâu ƀă pơloăng mơnúa”. Akố, mâu ngế hriăn plĕng khoa hok hiăng mơ’no troăng hơlâ vâ ‘mâi mơnhông pêt kong tung pơla pêt mơjiâng kơphế, pêt kơphế tơrŭm ƀă pêt loăng mơjiâng kong vâ kơdroh hyôh kong prâi tô téa rế hiá rế ó.

VOV4.Xơ Đăng - Vêh mơnhông ‘na tơnêi tíu, kong kế tung pơla pêi pêt kơphế, pêt kơphế tơrŭm tá tơdroăng ki pêt mơjiâng kong vâ mơdât ƀă hyôh kong prâi pro ôh tá tơniăn. Kố cho môi tung mâu troăng hơlâ ki châ mơ’no tơpui tối tung roh hôp “Vêh mơnhông tơnêi tíu kong kế a Dak Lak: Tơ’lêi ƀă trâm pá” xua Tíu xiâm ngăn ‘na Pêt kong tơkŭm po a hâi lơ 15/12, a pơlê kong kơdrâm Ƀuôn Ma Thuột.

VOV4.Xơ Đăng - Pêi pro tiô mâu troăng rơhlâ veăng mơnhông tơƀrê tơniăn ton, hmâ ƀă hyôh kong prâi, tung pơla achê kố, hên kuăn pơlê a Dak Lak hiăng tăng, xo păn trôi vâ hbrâ mơdât mâu ôa hdrong ki kâ ‘nhiê loăng plâi, ôa rơbông, ôa prâp ƀă hía hé ki kâ ‘nhiê loăng kơphế. Tơdroăng kố ôh tá xê to kum kơdroh kơxô̆ liăn ‘no pêi, mê ối rak tơniăn ivá ƀă hlối mơdêk ki tơƀrê dêi loăng kơphế.

VOV4.Xơ Đăng - A kong pơlê Dak Lak, klêi kơ’nâi tơdroăng ki hbru ăm mah kơxô̆ kơpong pêt, mah kơxô̆ tíu ki tâ tung kơthung, châ tơbleăng a lâp lu a kong pơlê Dak Lak, hiăng ai lối rơpâu tâ̆n krui kơxái, plâi rơkuâ chí, pôm ló ƀă dâng 300 rơpâu tâ̆n sầu riêng a kong pơlê châ tê tiô troăng tê ki xiâm, pro pơxúa kơxô̆ liăn pêi lo. Tơdroăng ki tơdrăng tê tơmeăm ngi kong têa ê, ki dâi lĕm dêi kế tơmeăm pêi lo ing chiâk deăng a mâu kơpong pêt ƀă tí ki tâ tung kơthung châ hbru ăm mah kơxô̆ a Dak Lak hiăng mơnhên châ ki kơnía pơxúa ƀă tơniăn.

VOV4.Xơ Đăng - Kơxo hâi lơ 13/12, Vi ƀan tơring Tu Mrông, kong pơlê Kon Tum pơxiâm tơbleăng pêt 12 rơpâu loăng pơkeăng kong Ngọc Linh ki  nếo 1 hơnăm pa kơdâm kong kân. Kơxô̆ hdrê pơkeăng kong kố xua Ngế pro xiâm hnê ngăn Chin phuh Phạm Minh Chính ăm rơpŏng kơtiê dêi tơring tung rôh lăm pêi cheăng a tơring kố khế 8/2023.