Tiô jâ Nguyẽn Thị Ngân Hà, Ngế pơkuâ khăm ngăn ƀă  pơtroh thế ăm tê mâu kuăn kiâ, Khu xiama păn mơnăn ƀă pơlât mơnăn kong pơlê Gia Lai, tơdroăng châi klêa chu châu Phi dế rơ iô. Bú tung pơla môi khế hdrối, Gia Lai hiăng ai 5 tíu tâ  tú pơreăng, tâi tâng hiăng ai lối 300 to chu pơreăng hiăng prâu tâh. Xua mê, tơdroăng séa ngăn ‘na poh chiâ xâ hơ’nêh, thế tơniăn krúa, thăm pêi kơtăng.

Khu râ kơvâ cheăng kong pơlê Gia Lai hiăng ƀă dé hnê mơhno mâu cheăm Bêng pêi kơtăng séa ngăn a tâi tâng mâu tíu poh chiê xâ hơ’nêh, xuân môi tiah mâu khu mơdró mơnăn, í pêap tung lâp kong pơlê. Tơbleăng trâu rơdâ mâu tơdroăng hbrâ mơdât pơreăng troh kuăn pơlê, malối mâu rơpŏng păn chu.