Dak Lak séa ngăn kơtăng plâi sầu riêng lĕm krúa lơ ôh ing kơpong pêt
Thứ năm, 05:00, 07/08/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kong pơlê Dak Lak dế mot tung rơnó krí plâi sầu riêng hơnăm 2025 tung pơla pơkâ séa ngăn vâ ’nâi plâi hôm lĕm krúa ing kơchơ mơdró rế kơtăng vâ tê ăm kong têa ê.
Lâp tung kong pơlê dế krí plâi, tâk 4.000 ha tâng vâ pơchông ƀă hơnăm 2024. Tiô tối hdrối plâi châ 392.000 tâ̆n, tâk dâng 30.000 tấn. Dak Lak nôkố ai 269 mah kơxô̆ kơpong pêt châ ăm ƀă tơnêi pêt lối 7.400 ha, pê lo rêm kơpong châ dâng 220.000 tâ̆n. Tung kong pơlê xuân ai lối 250 tíu hmâ rôe- pro ‘măn, 11 tíu ‘măn hngíu ƀă 40 tíu kơxuô tâ plâi klêi krí tung kơthung hiăng ăm mah kơxô̆ tê ăm kong têa ê.
Tiô pôa Nguyễn Minh Huấn, Ngế pơkuâ khu xiâm ngăn ‘na pêi chiâk ƀă Hyôh kong prâi kong pơlê Dak Lak, vâ séa ngăn kơtăng vâ ’nâi plâi hôm lĕm krúa ing xiâm pêt, kong pơlê Dak Lak hiăng xoăng râ rak ngăn kơpong pêt kơxuô tâ tung kơthung ƀă pêi cheăng tê mơdró sầu riêng ăm mâu kăn cheăm.
Viết bình luận