Nôkố tung lâp tơnêi têa ai lối 46 rơpâu ha mắc ca, ki hên châ pêt a kơpong Tây Nguyên ƀă Tây Bắc, tiô riân mắc-ca tung hơnăm 2025 châ lối 20 rơpâu tâ̆n kloăng ối drêh. Hơnăm 2024, lâp tơnêi têa tê dâng 600 tâ̆n kloăng mắc-ca ngi kong têa ê la xuân roê ‘mot 3.500 troh 4 rơpâu tâ̆n kloăng mắc-ca tá hâi lŏng vâ uâ pơliê ƀă tê tung tơnêi têa.

Hên tơdroăng ôh tá tơniăn tung pêt ƀă mơnhông kơpong pêt châ tối a rôh hôp. Pôa Lê Quốc Thanh, Kăn pơkuâ Tíu xiâm Hnê mơhnhôk pêi chiâk Tơnêi têa tối rơdêi tiah kố, kố cho mâu tơdroăng pơloăng mơnúa kân kal rĕng châ tŏng gum, malối cho athế mơjiâng pro ăm môi tơdroăng tơrŭm pêt ƀă tê mắc ca.