Kố cho tơdroăng a roh tơpui tơno mơ’no tung um ‘na mâu troăng pơkuâ trếo ki mơ’no lo pakong tung pêt kơphế xua Tíu xiâm mơhnhôk pêi chiâk deăng Tơnêi têa tơkŭm po a kong pơlê Dak Nông. A roh tơpui tơno, mâu kăn teăng mâ hiăng tơbleăng mâu troăng pêi, tơdroăng pêi châ tơƀrê gum kuăn pơlê pêi chiâk deăng pêt mơjiâng kơphế krá tơniăn.

Ki rơhêng vâ tối cho kal tơtrŏng troh tơdroăng mơgrúa sok tung tơdroăng pêt mơjiâng tơmeăm, tơdroăng ki tơngah kŭn laga kal khât ‘na ton xŏn ƀă kong prâi. Tiô pôa Lê Quốc Thanh, Kăn pơkuâ Tíu xiâm mơhnhôk pêi chiâk deăng Tơnêi têa, drêng ƀăng deăng ƀă ki kơnâ kơphế đi đo tâk mê ki pá ‘na xúa phon rơvât, trếo pơkeăng, pơkeăng rak vế hdrê kơchâi plâi pôm xuân rế hía rế tâk.

Tơdroăng kố pơkâ thế kal pêi pro mâu pơkâ gô̆m xô̆m, mơgrúa xok, pâu hrái, hlá pê ƀă tơdroăng tơdjuôm ivá dêi tâi tâng rêm pâ ki ai tơdjâk, ki rơhêng vâ tối cho tơdroăng ki hlê plĕng dêi kuăn pơlê.