Mơngế pêt tiu a Gia Lai sôk ro xua châ tiu hên hlối ai yă
Thứ ba, 10:00, 25/03/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.XơĐăng - Hơnăm 2025 dế cho hơnăm krí tiu, djâ troh tơdroăng sôk ro kân ăm kuăn pơlê a Gia Lai, drêng yă kloăng tiu khăng châ a kơlo 160.000 liăn/kg. Lối 100 ngế dêi Khu pêi cheăng tơrŭm pêi chiâk deăng ƀă mơdró Nam Yang (tơring Đăk Đoa) dế tơngah rơnó kố kô pro pơxúa ăm chât rơtal liăn kơnôm ing 50 ha tiu pêi châ hên.
Pôa Nguyễn Tấn Công - Ngế pơkuâ Khu pêi cheăng tơrŭm ăm ‘nâi, sap hơnăm 2018 troh nôkố, tíu pêi cheăng hiăng pơ’lêh pêt tơvât tiu ƀă kơphế vâ pơ’lêh kơxô̆ liăn ‘no, mơdêk ki krá dêi kơchơ mơdró.
La klêi mê, Khu pêi cheăng tơrŭm mơhnhôk kuăn pơlê xúa pêi têt túa hưu cơ, tơniăn tiô pơkâ tê ăm kong têa ê. Khu pêi cheăng tơrŭm hnê tối ăm kuăn pơlê ôh tá xúa trếo ‘mei ki mơdât tung pêi pêt. Pêi pro hên túa, hên loăng, pơ’lêh ôh tá pro tâk kơxô̆ liăn kum kơxô̆ liăn tâk hên.
Kơnôm pơ’lêh túa pêi cheăng ăm tơtro, deăng pêt tiu ôh ta po rơdâ môi tiah hdrối, mơngế pêt tiu a Gia Lai xuân châ hên kơxô̆ liăn kơnôm ing yă tơniăn ƀă ai plâi hên.
Viết bình luận