Tiô tơbleăng dêi Vi ƀan kong pơlê Dak Lak, troh khế 12/2024, kong pơlê hiăng pêi pro lối 103% tơnêi pêi chiâk deăng, lối 65% tơnêi ki ôh tá xê pêi chiâk deăng tiô troăng xing xoăng ƀă hdró kơpong tơnêi ối tung pơkâ pêi kong pơlê. Kong pơlê Dak Lak pơkâ pơhlêh tơdroăng kal vâ xúa tơnêi troh 2030 ƀă tơdroăng kơdroh tơnêi pêi chiâk deăng 5.200 ha, tơnêi pro on tơhrik 1.800 hectar; mơdêk tơnêi ki ôh tá pêi chiâk deăng 5.200 hectar ƀă tơnêi pro troăng klông 6.000 hectar...

‘Na pêi pro Luât tơnêi tơníu 2024, kong pơlê Dak Lak hiăng tơbleăng 13 mơ-éa pơkâ luât. Laga, kong pơlê trâm pá xua pơkâ mâu khu tơnêi nếo, laga ôh tá ai pơkâ ki pơtó. Pakĭng mê, tơdroăng mơnhên 62 tuá pơkâ xúa tơnêi tá hâi troăng pêi ki nhên chiâng trâm pá tung pơkâ pêi. A roh pêi cheăng, jâ Đoàn Thị Thanh Mai, Kăn pơkuâ Vi ƀan Cheăng kâ Kuô̆k hô̆i, mơnhên tơdroăng ki hbrâ dêi kong pơlê Dak Lak tung tơdroăng pêi pro mâu hnoăng cheăng châ pơcháu.