Mâu hâi ki kố, kuăn pơlê pêi chiâk deăng tơring Čư Kuiñ, kong pơlê Dak Lak mot a rơnó ki krí tiu rơnó 2024 – 2025. Yă tiu hiăng châ a kơlo 160 rơpâu liăn môi ki lô (kơlo ki kơnâ má môi sap ing hơnăm 2016 troh nôkố) mơjiâng ivá kum vâi krâ kuăn pơlê hmiân tuăn mơ’no liăn rak ngăn hên tâ loăng plâi kố.

Lâp tơring Čư Kuiñ nôkố ai dâng 4.700 ha tiu dế tung hneăng châ krí vâ tê, pêi lo châ lối 3,2 tâ̆n/ha, pêi lo tiu rêm hơnăm châ lối 15.000 tâ̆n. Tiô pôa Nguyễn Cảnh Danh, Phŏ Kăn pơkuâ ƀơrô Pêi chiâk deăng bă Kong prâi tơring Čư Kuiñ, kong pơlê Dak Lak, mâu hơnăm achê kố, yă tiêu a kơlo ki kơnâ hiăng kum kuăn pơlê hmiân tuăn vêh mơ’no liăn pêt.

Pakĭng tŏng gum kuăn pơlê ‘na hnê mơhno khoa hok kih thuât, khu râ kăn pơkuâ xuân pơchân tối kuăn pơlê pôi tá tơbriât dêi pó po rơdâ ƀăng pêt, pơtối mơ’no liăn rak ngăn ƀăng deăng ki dế ai nôkố tiô troăng hưh cơ, krá tơniăn.