Talkshow “Kơphế ƀă tơdroăng cheăng” tơkŭm 12 ngế ki rơkê cho kăn pơkuâ kơ koan pơkuâ, khu tơrŭm, mâu khu tê mơdró tê ngi kong têa ê kơphế hên má môi tung tơnêi têa ƀă lâp plâi tơnêi, mâu khu kơ-ốu má môi, rơtế mâu ngế hơnăm ối nếo djâ troăng ahdrối tung pơhlêh nếo kơvâ kơphế Việt Nam veăng.

Vâi rơtế dêi pó tối ‘na “Troăng tơmiêt pêi mơnhông kơphế ki kơhiâm má môi ƀă tíu ôu kơphế “Ƀuôn Ma Thuột – Tíu troh kơphế lâp plâi tơnêi’’; Troăng pơhlêh nếo ƀă pêt mơjiâng kơphế ki kơhiâm ing pêt mơjiâng troh uâ mơdiê ƀă tê ngi kong têa ê; Kơphế ki kơhiâm – Tơdjêp rơxông ối nếo ƀă tơdroăng la ngiâ ki kơnâ ăm kơphế Việt Nam. Tơdroăng Talkshow “Kơphế ƀă tơdroăng cheăng” ôh tá xê to roh vâ mâu ngế hâk vâ kơphế hriâm tâp ƀă tối ăm dêi pó túa ki rơkê tơtro mê ối cho tơdroăng ki tơdjêp pơlê pơla kơphế, mơdêk tơdroăng mơnhông dêi kơvâ kơphế kơhiâm má môi Việt Nam tung la ngiâ.