Kố ôh tá xê cho têa ki kal vâ xúa tung pêi chiâk deăng la ối rak tơniăn kơdĭng mơ’no têa, iâ tơdjâk ing hyôh kong prâi ƀă hên kơpong kơpong kuăn pơlê rêh ối. Laga, tung pơla hyôh kong prâi rế hía rế tôu ó, hên long rơchoâ châ pro sap ing lối chât hơnăm hdrối hiăng tơ’nhiê, kal châ ‘mêng rơnêu tơdrêng tung ‘no liăn pro, ‘mêng vâ rak tơniăn ăm mâu rơchoâ long têa kố hdrối rơnó mê hngê vâ troh.

Ki hdrối tâ, mâu cheăm bêng, tíu pêi cheăng ‘mêng pro mâu tíu ki tro tơ’nhiê, rak vế mâu long rơchoâ têa. ‘Na ki ton troh tá ah kong pơlê Gia Lai hiăng chêh pro túa pơkâ mơjiâng pro long têa ƀă têa krúa ăm thôn pơlê pơla hơnăm 2026 – 2030, troăng pơkâ pêi troh hơnăm 2035. Tung mê, kong pơlê pâ Tơnêi têa tŏng gum liăn vâ pro mâu tơdroăng bro ki kal vâ ‘mêng, pro mâu rơchoâ long têa ki hiăng tơ’nhiê a kong pơlê.