Tơpui hnê mơhno a Hneăng hôp, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối nhên, Tơnêi têa pin dế mot tung chal mơnhông nếo ƀă rơhêng vâ kân, ki xiâm pơkâ pêi ƀă pơkâ thế kal pêi pro thâ; tung pơla mê, pơkâ thế ăm Khu ngăn Mố đô̆i hơnăm hiăng krâ Việt Nam ôh tá xê to pêi pro tro hnoăng cheăng khôi hmâ, mê ối athế pơhlêh nếo rơdêi tơdroăng kal, túa pơkâ pêi; mơdêk ki rơkê plĕng tung tơrŭm khu.

Tung tơdroăng mê, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế, Hneăng hôp kal tơmâng ngăn tơpui tơno, môi tuăn pêi pro tro hnoăng cheăng mơjiâng Khu ngăn mố đô̆i hơnăm hiăng krâ Việt Nam krá rơdêi tŭm, khât cho khu lêng kal kí – rêh ối pơlê pơla loi dêi Đảng, Tơnêi têa ƀă Kuăn pơlê.