Tiô pôa Tiến tối, kố xuân cho mâu kuăn kiâ kong ki hiăng vâ hía lôi ai inâi tung Hlá mơ-éa khêi Việt Nam ƀă lâp plâi tơnêi, cho khu kuăn kiâ thế rak vế păng ‘nâng. Nôkố mâu kơvâ cheăng rak ngăn dế pơtối séa ngăn, riân vâ ‘nâi nhên ai to lâi xuân môi tiah tơdroăng xing xoăng dêi mâu kuăn kiâ kong mê ối tung kơpong râk ngăn tơmeăm khoăng.

Tiô mâu ngế rơkê tối, tơdroăng ai mâ dêi mâu kuăn kiâ rêi nhâ cho khu kuăn kiâ ki kân môi tiah: mêm ƀă ro kong cho  tơdroăng vâ mơhno ki kal vâ tối ki dâi lơ ôh dêi kuăn kiâ kong. Kố cho mâu kuăn kiâ kal ai tơnêi rêh ối kân rơdâ, nhâ rêi hên ƀă tíu ối iâ kuăn mơngế tơtro. Xua mê, tơdroăng ăm hlo mêm ƀă ro kong a Ea Sô ăm hlo, khu kuăn kiâ kong a tíu kố xuân dế châ rak vế krâu, hlối tối ki pơxúa hên ‘na sinh hok malối kơpong rak ngăn tơmeăm khoăng.