Tơdroăng pôa Lê Minh Hưng, Ngế pro xiâm hnê ngăn tơnêi têa veăng Hôp tơno tơdroăng kal xiâm Khu râ kăn xiâm Leh tơbâ 35 hơnăm tơrŭm cheăng ASEAN – Rusi mơnhên tíu ki kal ton xŏn dêi tơrŭm cheăng ASEAN – Rusi ƀă Việt Nam, ăm hlo pói vâ dêi Việt Nam tung mơnhông hnoăng ‘’kông tơdjêp’’ mơdêk tơrŭm cheăng Ton xŏn ASEAN – Rusi mơnhông păng ‘nâng, châ tơƀrê, tơxâng ƀă tơmeăm ki ai hlâu ƀă troăng mơnhông nếo klăng leh tơbâ 35 hơnăm tơrŭm cheăng.

Hôp tơno tơdroăng kal xuân cho rôh vâ Việt Nam rơtế mâu kong têa mơdêk châ achê păng ‘nâng, tơdâng tơ’mô ƀă tơmiât la ngiâ tơdroăng châ tơƀrê tung tơrŭm cheăng ASEAN – Rusi. Pakĭng mê, Việt Nam xuân pói vâ gum po rơdâ tíu tơrŭm cheăng pơla ASEAN ƀă kơpong châu Á – Âu.