Hâi lơ 18/6, Khu hnê mơhno pêi pro tiô pơkâ pêi cheăng kâ tâk péa kơxô̆ kong pơlê Dak Lak pơla hơnăm 2026-2030 tơkŭm hôp rôh má 3 tối tơdroăng cheăng pêi tơƀrê mơnhông cheăng kâ - pơlê pơla 6 khế apoăng hơnăm ƀă pơkâ mâu troăng hơlâ mơdêk tâk tung la ngiâ. Vâ pê klêi pơkâ tâk sap 10% tơngi klêng tung hơnăm 2026, pêi cheăng kâ tâk tơdjuôm 6 khế mơ’nui hơnăm dêi kong pơlê Dak Lak thế châ a kơlo tâk sap 11,8% troh 12%. 

Tiô pôa Lương Nguyễn Minh Triết, Kăn pơkuâ hnê ngăn Tỉnh ủi  kong pơlê Dak Lak tối, mâu ngế tung Khu Hnê mơhno, Vi ƀan Kuăn pơlê dêi kong pơlê hiăng ai hên tơdroăng mơ-eăm tung tơdroăng tăng ngăn mâu pơkâ pêi tâk, tah xơpá ăm mâu tơdroăng tơkêa bro ƀă khu mơdró.

Pakĭng mê, pơkâ thế mâu tíu pêi cheăng, kơvâ cheăng pơtối tơkŭm tah tơdroăng pá, mơdêk tơbleăng tăng yă tro tung xúa tơnêi, xo liăn ngân ‘no pêi cheăng pro tơmeăm khoăng tơnêi têa ƀă pê klêi hlá mơ-éa vâ mâu tơdroăng tơkêa pro rĕng châ tơbleăng, pro tơ’nôm ivá mơdêk ăm mâu khế mơ’nui hơnăm.