A rôh pêi cheăng, Khu ki lăm ngăn tơkŭm tơno ‘na cheăng hnê tối, hnê hriâm tơdroăng xúa internet tơniăn ăm vâi hdrêng; troăng hơlâ tơrŭm pơla rơpŏng hngêi, hngêi trung ƀă kăn pơkuâ kong pơlê tung pơkuâ ngăn, séa ngăn vâi hdrêng tung troăng hyôh măng; cheăng tơdah xo, pơxâu phâk mâu tơdroăng ki ai tơdjâk troh vâi hdrêng tung troăng hyôh măng.

Tiô tối tơbleăng, pơla hơnăm 2021 troh nôkố, Dak Lak hiăng tơkŭm po 27 lâm hriâm ‘na hnoăng vâi hdrêng, hbrâ mơdât xiê̆n pâm, ‘nêk mơ’nêa vâi hdrêng ƀă túa ki rak vế vâi hdrêng tung hyôh măng. Hên tơdroăng cheăng hnê tối ing um tơvi, rơ’jíu troh hngêi trung hriâm, tíu kuăn pơlê rêh ối ƀă tung mâu rơ’jiu loâ. Mâu kơ koan ki ai tơdjâk dêi Dak Lak hiăng tơdah xo, tơrŭm pơxâu phâk lối 150 ngế hdrêng tro ‘nêk mơ’nêa, cho ing tơdroăng ki hêng hôu ing măng pơlê pơla, tơhrâ trâm dêi rơpó vâ tơleăng tơdroăng tơhôu lơ chêh mơ’no clip xiê̆n pâm tung măng, ki xiâm cho tơdjâk troh hok tro râ má péa.