A rôh trâm mâ, kăn teăng mâ mâu tíu pêi cheăng khĕn kơdeăn tơdroăng pêi dêi Rơ‘jíu Việt Nam tung tơdroăng tối mâu tơdroăng nếo ai; pakĭng mê, pơtroh rơkong mâu kăn ƀô̆, mâu ngế chêh hlá tơbeăng, mâu ngế rah chêh, ngế cheăng kih thuât dêi Rơ‘jíu drêng troh hâi Hlá tơbeăng Kăch măng Việt Nam. 

Teăng mâ Rơ’jíu xiâm Việt Nam, pôa Ngô Minh Hiển, Phŏ Ngế xiâm pơkuâ Rơ’jíu Việt Nam ƀă pôa Nguyễn Văn Chí, Phŏ kăn pơkuâ hnê ngăn Đảng ủi Rơ‘jíu mơnê tơmâng khât, tuăn pâ ƀă mâu rơkong rơkâu ki lĕm kơnía dêi mâu kơ koan, tíu pêi cheăng; Pakĭng mê tối, Rơ’jíu Việt Nam kô pơtối rak vế pêi pro tơdroăng ki lĕm 101 hơnăm Hlá tơbeăng Kăch măng Việt Nam, ôh tá la lâi pơtê pơ’lêh nếo tơdroăng chêh, chêh hên tâ mâu tơdroăng kal ai tiô tơdroăng púi vâ tung mâu hơnăm la ngiâ.