Troh nôkố, lâp kong pơlê Lâm Đồng ai lối 109.000 ha pêt mơjiâng tơmeăm pêi lo ing chiâk deăng xúa kŏng ngê̆ rơxông nếo; lối 1.200 ha tơnêi pêi mơjiâng tơmeăm pêi lo ing chiâk deăng rơkê xúa kŏng ngê̆ kơxô̆, chiâng pêi xêh ƀă mâu troăng pơkuâ rơkê. Kong pơlê xuân hiăng mơjiâng châ 16 kơpong pêt mơjiâng tơmeăm pêi lo ing chiâk deăng xúa kŏng ngê̆ ƀă 7 khu tê mơdró châ mơnhên cho khu tê mơdró pêi chiâk deăng xúa kŏng ngê̆ rơxông nếo.

Nôkố kong pơlê dế po rơdâ troăng pêi pêt mơjiâng tơmeăm pêi lo ing chiâk deăng rơkê xúa kŏng ngê̆ kơxô̆, tâ ‘na kong prâi, chiâng pêi xêh tung pêt kơchâi drêh, reăng ƀă plâi kâ; Mâu troăng pêt mơjiâng hưh cơ ƀă kơphế, chế, plâi kâ, pơkeăng; Tơdrêng amê po rơdâ mâu troăng pêi chiâk deăng têk chu chu têk tung pêt mơjiâng tơmeăm, păn mơnăn mơnôa ƀă uâ bro tơmeăm pêi lo ing chiâk deăng, tơtro ƀă troăng mơnhông pêi chiâk deăng krúa lĕm ƀă tơxâng pơkâ rế hía rế kân dêi kơchơ mơdró tê tơmeăm ngi kong têa ê.