Tơdroăng tơkêa bro Hngêi kơmăi On tơhrik trếo tik nik Ninh Thuận 1 a cheăm Phước Dinh troh hâi lơ 14/6 nếo xo tơvêh châ lối 110ha tơnêi, kơxô̆ liăn ‘no pêi cheăng châ dâng 44%. Tung pơla xo tơnêi ối trâm hên xơpá xua hồ sơ chêh pro, hồ sơ tơnêi tơníu tơdroăng tơkêa ối ai tơdroăng ôh tá bô bối, ‘na túa pơkâ, ƀăng tơnêi pro.

A tơdroăng tơkêa bro Hngêi kơmăi On tơhrik trếo tik nik Ninh Thuận 2 a cheăm Vĩnh Hải, ƀăng tơnêi xo tơvêh châ lối 300 ha, kơxô̆ liăn ‘no lối 1.200 rơtal liăn, châ lối 74%. Laga, xuân ối ai lối 40 tơdroăng kal pơtối mơnhên hồ sơ luât vâ chêh pro klêi mơ-éa tiô pơkâ. Drêng hlo xơpá kố, kong pơlê Khánh Hòa pơkâ thế mâu cheăm bêng tơkŭm pơtroh mâu ngế cheăng, séa ngăn rêm tơdroăng vâ lêi tah ki xơpá, kơjo gum chêh pro klêi mâu tơdroăng cheăng ki vâ tơbleăng pêi, ăm tơdâng tơ’mô, rak vế tơniăn ai troăng klông tơtro ƀă túa rêh kâ ối ƀă túa tơlá rêh ối dêi kuăn pơlê.