Mơ’no tối mâu tơdroăng kal séa ngăn tung pơla tơrŭm pêi pro, vâ kơnó nhên mâu tíu ki pá tơvâ, xơpá tung hnoăng cheăng tơrŭm, Kăn xiâm hnê ngăn Kuô̆k hô̆i mơhno 3 tơdroăng ki kal vâ mâu kơ koan ki ai tơdjâk troh rơtế ăm rơkong veăng tơpui. Pôa pơkâ thế kal pơhlêh sap ing túa tơmiât “tơpui kâ xúa tung tơrŭm cheăng” chiâng “tơpui kâ mơjiâng pro”.

Rêm tơdroăng cheăng tơpui kâ athế pro chiâng ki kơnía tâk mơnhông ăm hnoăng mơnhông tơnêi têa. Mâu kơ koan ki ai tơdjâk troh tơkŭm pêi pro tro 5 troăng pơkâ pêi, mê cho: hlê plĕng tro troăng ‘na tíu ối dêi tơpui kâ dêi Kuô̆k hô̆i tung tâi tâng tơdroăng cheăng tơpui kâ tŭm têk, rơkê dêi tơnêi têa. Kăn xiâm hnê ngăn Kuô̆k hô̆i pơkâ thế kal tơrŭm krá tơniăn mâu rôh po hôp ƀă pơkâ pêi pêi tơ’mot mâu kơxô̆ liăn ‘no pêi cheăng tung kơvâ kơmăi kơmok chal nếo, po rơdâ kơchơ mơdró ăm tơnêi têa, thăm mơnhông ivá cheăng tung tơnêi têa.

Xuân a rôh pêi cheăng, kăn pơkuâ Khu xiâm tơpui kâ; Vi ƀan cheăng lêng, Gâk kring ƀă Tơpui kâ; Ƀơrô cheăng Kuô̆k hô̆i hiăng kĭ túa pơkâ tơrŭm cheăng.