Grup T&T ăm ‘nâi dế hriăn ngăn ‘no liăn pro Kơphô̆ tơkŭm peăng Mâ hâi Lo Buôn Ma Thuột ƀăng tơnêi dâng 680 ha, tâi tâng kơxô̆ liăn pro lối 44.400 rơtral liăn ƀă Kơphô̆ peăng Mâ hâi Lo troăng ví Troăng kân kơxô̆ 1 a bêng Tuy Hòa, bêng Bình Kiến ƀă tâi tâng kơxô̆ liăn pro lối 20.100 rơtal liăn. Khu mơdró kâ xuân tối rơhêng vâ mơjiâng pro mâu tơdroăng tơkêa pro on tơhrik khía, on tơhrik ƀă hyôh tôu mâ hâi a Dak Lak tung hneăng la ngiâ.

Teăng mâ Grup T&T mơnhên tối khât Dak Lak ai hên tơmeăm ki ai hlâu vâ mơnhông pêi chiâk deăng, on tơhrik ‘mâi pro, tê mơdró ƀă ôm hyô; hlối tơhrâ hriăn ngăn nhên mâu pơkâ mơ’no ‘no liăn pro tơdroăng tơkêa, rak tơniăn tŭm ki tơƀrê ăm tơtro ƀă troăng pơkâ mơjiâng dêi kong pơlê. Mơnhên tối khât tơdroăng ki tơmâng ngăn dêi Grup, pôa Lương Nguyễn Minh Triết, Ƀĭ thư Đảng ủi Dak Lak tối tiah kố tơdroăng ki khu mơdró kâ lăm ngăn, pơkâ mơ’no mâu tơdroăng tơkêa pro ki kân cho tơdroăng pêi pro tơƀrê ƀă mâu tơdroăng pơkâ pêi tơ’mot ‘no liăn cheăng dêi kong pơlê.

Pôa pơkâ thế mâu kơ koan ki ai tơdjâk troh pơtối rơtế prôk, mơdêk rĕng tơleăng mơnhên mâu hlá mơ-éa chêh pro mâu tơdroăng tơkêa ki châ kơjo gum vâ rĕng pêi pro mâu tơdroăng tơmiât vâ ‘no liăn pêi cheăng .