Hôp tơno tơdroăng kal châ tơkŭm po vâ hlê plĕng pêi pro Mơgêi kơxô̆ 17 dêi Khu xiâm kal kí ƀă mâu tơdroăng ki xiâm tung Tơpui tơno môi tuăn Troăng pêi la ngiâ mơjiâng luât hneăng cheăng Kuô̆k hô̆i hneăng má XVI; tơdrêng amê, tơno, tơpui ‘na pơkâ, tơdroăng ki xiâm pơkâ pêi ƀă troăng pêi tơkŭm po pêi pro, tơniăn tơdroăng pêi cheăng ƀă ki dâi lĕm.

Tơdroăng tơpui tơno môi tuăn mơnhên 6 troăng tơmiât pêi hnê mơhno, 6 tơdroăng pơkâ ƀă tơdroăng mơjiâng luât hneăng cheăng Kuô̆k hô̆i hneăng má XVI, ki xiâm cho: Tơniăn tơdroăng mơjiâng, kêi đeăng luât ing pơkuâ tâi tâng, krá tơniăn dêi Đảng; teăm tơdrêng pêi pro tŭm, tro troăng pơkâ pêi, troăng prôk dêi Đảng. Hriăn plĕng pơhlêh tâi tâng ƀă pơtối pêi pro inhên Luât; mơjiâng tŭm luât pơhlêh nêu nếo tâi tâng mâu kơvâ cheăng kâ – rêh ối pơlê pơla.

Tơdroăng tơpui tơno môi tuăn mơnhên hnoăng cheăng hriăn plĕng mơgêi, pơhlêh tâi tâng Luât hơnăm 2013 tơtro ƀă tơdroăng nôkố, pơkâ mơnhông tơnêi têa tung hneăng nếo; tơdrêng amê, mơnhên 8 troăng prôk la ngiâ mơjiâng luât ki xiâm ƀă 171 hnoăng cheăng kal pêi pro tung hneăng cheăng Kuô̆k hô̆i hneăng má XVI.