Rôh hôp rôh kố ôh tá xê to tơdroăng tơbâ mê ối mơhno tơdroăng tơhrâ kal kí khu râ kăn xiâm dêi ASEAN ƀă Rusi tung mơdêk tơpui kâ, tơrŭm cheăng, veăng gum ăm tơdroăng ki hơniâp lĕm, gâk kring ƀă tơniăn tung mơnhông mơdêk. Rôh lăm pêi dêi hnoăng cheăng kố dêi pôa Lê Minh Hưng cho vâ mơdêk hnoăng cheăng pro “kông tơdjêp” dêi Việt Nam, mơdêk môi tuăn, veăng gum mâu troăng tơmiât pêi ai pơxúa, ing mê, pro ivá nếo ăm tơrŭm cheăng ASEAN – Rusi.

A Rôh hôp kố, Việt Nam rơhêng vâ rơtế ƀă mâu kong têa mơdêk mâu kơvâ cheăng ki ối ai hên tơdroăng môi tiah tê mơdró, khoa hok – kong ngê̆, pơhlêh xúa kong ngê̆, tŭm têa châu têa kơxăng, hnê hriâm ƀă ôm hyô. Ƀă hnoăng cheăng cho kong têa ASEAN ƀă Rusi tung mơdêk tơpui kâ, tơrŭm cheăng ƀă Khu tơrŭm Cheăng kâ châu Á – châu Âu, Việt Nam chiâng vâ tối tơbleăng ki rơkê plĕng vâ po rơdâ tơrŭm cheăng pơla ASEAN ƀă kơpong châu Á châu Âu, ing mê, pơhlêh mâu tơdroăng tơhrâ ‘na kal kí ki pơxúa ăm khu mơdró kâ ƀă kuăn pơlê.