Tung rôh 5 hơnăm la ngiâ, khu tê mơdró tiô tối hdrối kô pro kơdroăng păn kân păn 2 rơtuh to chu, ƀă hlối pro kế kâ ăm mơnăn păn ƀă chiê hơ’nêh chu a kong pơlê. Grup pơkuâ Muyuan tối ăm ‘nâi, tơdroăng mơ’no liăn a Gia Lai ing mơjiâng pro tơmeăm chĕm mơnăn, păn mơnăn troh chiê xo hơ’nêh chu, tơdjêp ƀă mâu tíu pêi cheăng ki gum tơ’nôm ƀă mơjiâng phon rơvât. Tung mê, kơdroăng păn châ pro a cheăm Pờ Tó, pơxiâm mơjiâng pro hâi lơ 11/10/2026, mơ-eăm pêi kêi đeăng klêi kơ’nâi 12 khế.

Vâ mâu tơmeăm ki ê ối tung tơdroăng tơkêa bro châ pêi pro teăm tơdrêng. Pôa Phạm Anh Tuấn, Kăn hnê ngăn Vi ƀan kong pơlê Gia Lai pơkâ mâu khu, kơvâ cheăng ƀă cheăm Pờ Tó thâ tơleăng mâu tơdroăng ‘na pro ăm on tơhrik, têa, tơnêi ƀă ăm phêp mơjiâng tiô hnoăng; hnê mơhno pro mơ-éa tiô ihiâm mơno ‘’troăng prôk ngiât’’, teăm tơdrêng tơbleăng tah lôi mâu tơdroăng pá puât tiô pơkâ.