Hơnăm 2026, Dak Lak ai 5 tơdroăng tơkêa bro ing kơxô̆ liăn ODA dế tơbleăng pro, ƀă tâi tâng kơlo ‘no lối 2.836 rơtal. Túa pơkâ kơxô̆ liăn kong têa ê châ pơcháu tung hơnăm vâ chê 704 rơtal liăn, hiăng xoăng tâi tâng ăm mâu tơdroăng tơkêa bro.Laga, troh hâi lơ 30/9, kơxô̆ liăn ‘no bu nếo châ 174 rơtal liăn, tơ’mô dâng 25% túa pơcháu.

Pơla hơnăm 2026 – 2030, Dak Lak pơkâ pêi kơjo mơhnhôk tơlo liăn ODA ƀă kơxô̆ liăn mung kơjo kong têa ê ăm mâu troăng prôk tơdjêp kơpong, hno têa, kong prâi, hbrâ ví kong prâi pro pơhlêh ƀă mơjiâng pro kơphô̆. Vâ pêi châ tơƀrê tơdjâk dêi kơxô̆ liăn ODA, pôa Nguyễn Thiên Văn, Phŏ kăn hnê ngăn Vi ƀan kong pơlê pơkâ thế tơdroăng mơhnhôk tơlo kơxô̆ liăn athế nhên, tơtro ƀă tơdroăng rơhêng vâ mơnhông dêi kong pơlê ƀă troăng tơmiât pêi dêi mâu khu tŏng gum.