Tơpui a roh trâm mâ, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối phiu ro trâm mâ mâu ngế tê mơdró ki rơkê, teăng mâ khu tê mơdró Việt Nam. Teăng mâ khu râ kăn pơkuâ Đảng, Tơnêi têa, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơtroh mâu rơxông mơdró kâ tung tơnêi têa, a kong têa ê ƀă mâu khu 'no liăn cheăng kong têa ê dế rơtế prôk ƀă Việt Nam rơkong kơ-êng tơdrăng, rơkong rơkâu lĕm má môi.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên, Đảng, Tơnêi têa nhoăm tơdroăng veăng kum, rak vế hnoăng ƀă ki pơxúa tro luât, pro tơ'lêi hlâu vâ mơdró kâ mơnhông tơdroăng ki rơkê, pro kro mơdrŏng tơxâng. Kăn xiâm pơkuâ hnê ngăn Đảng, Kăn xiâm hnê ngăn tơnêi têa rơkâu mâu khu mơdró păn roăng hiâm mơno kân, krá tơniăn mơjiâng khu mơdró, inâi ƀă ki dâi lĕm, ivá ƀă tơdroăng loi tơngah, djâ ăm tơdroăng hâk tơngăm ăm Việt Nam.

Troh hơnăm 2045, drêng tơnêi têa châ môi chât hơnăm tơniăn krê, pin rơhêng vâ hâk tơngăm 'na môi Việt Nam mơnhông mơdêk, ƀă mâu khu mơdró krá tơniăn.