Khu tí tăng hriăn plĕng ai 17 ngế cho teăng mâ mâu khu xiâm, kơvâ cheăng, khu tơrŭm, khu pú hên ƀă kăn ƀô̆ rơkê pêi môi kơvâ cheăng, ai hnoăng séa ngăn, tơ'nôm, pêi klêi hlá mơ éa chêh inâi mâu ngế hlâ ai hnoăng; mơnhên hồ sơ ngế hlâ ai hnoăng, tơnâp ngế hlâ ai hnoăng; tơkŭm tâi tâng tơdroăng mơnhên tơníu ƀă mơjiâng lơgât chêh lăm tăng, tơkŭm kơxêng kiâ mố đô̆i. Malối, tôh kô tơdah xo, tí tăng 'nâi plĕng, séa ngăn mâu tơdroăng xua khu tơrŭm cheăng, mâu ngế krê tơbleăng, tơkŭm tung mâu tơdroăng ki tơdjâk troh tơnâp kiâ tâp pú hên.

Ing  mê, tôh kô tơkŭm mơnhên, po hôp, tối mơgêi mâu tơdroăng lăm tăng, pro xiâm vâ tơbleăng tăng, tơkŭm kơxêng kiâ mô đô̆i. Pêi pro "Tơdroăng pêi 500 hâi măng", troh nôkố lâp kong pơlê Gia Lai hiăng pêi pro klêi tơdroăng xo mơheăm a 119 ilâng kiâ mố đô̆i, ƀă lối 7.800 mơheăm tŭm tơdroăng vâ séa ngăn ADN. Khu râ pơkuâ cheăng hiăng tơkŭm 63 kơxêng kiâ mố đô̆i. Nôkố mâu khu râ kong pơlê Gia Lai dế mơ-eăm vâ pơtối lăm tăng, tơkŭm mâu kơxêng kiâ mố đô̆i ki u ối a mâu tíu tơplâ nah.