Diâp inâi Khu khên tơnôu kring vế Kuăn pơlê ăm Khu lêng Kuân khu 2 ƀă tơpui a rôh leh, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối nhên, Tây Bắc cho kơpong tơnêi ai hên tơdroăng ton nah pâ nhuô̆m tơnêi têa, kăch măng, ai tíu ối tung la ngiâ ki kal peăng Kơnhŏng ƀă peăng mâ hâi Lâ ‘na kơnhŏng dêi Tơnêi têa.

Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế Khu lêng kring vế Kuân khu 2 tơkŭm mơjiâng khu lêng kring vế Kuân khu kăch măng, chính quy, ƀĕng ƀeăn, rơkê; mơjiâng khu ki ki hbrâ vâ mot mơhnhôk khên tơnôu, kuăn pơlê lêng rak vế, khu lêng kring vế Kuân khu 2 kô rak rơkong tơhrâ ƀă Đảng, ƀă kuăn pơlê, rơtế ƀă kuăn pơlê mâu hdrông kuăn ngo rak vế krá rơdêi tơrêm xơtá tơnêi dêi Tơnêi têa, mơjiâng Tây Bắc rế hía rế kro mơdrŏng, vâ rêm pơlê ai tơ’nôm tơdroăng ki hmiân tơniăn ro, rêm rơpŏng ai tơ’nôm ếo hơtôu, hơniâp ro.

Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn Tơnêi têa krâ mê dái Khu khên tơnôu a hlá cơ Khu lêng kring vế Kuân khu 2.