Riân troh tâi khế 9, kơxô̆ liăn 'no mơjiâng pro tơmeăm khoăng tơnêi têa hơnăm 2026 dêi kong pơlê Lâm Đồng nếo châ 55% tơdroăng pơcháu. Xiâm kối hrá 'no liăn châ Vi ƀan hnê ngăn kong pơlê mơnhên xua tơdroăng tơkŭm pêi pro, tung mê tơvâ tơvân ki kân má môi cho tơdroăng xo tơnêi. Tung 3 khế mơ'nui hơnăm, tâi tâng kơxô̆ liăn mơ'no cheăng tơnêi têa ki kong pơlê Lâm Đồng kal mơ'no liăn cheăng cho vâ chê 10.500 rơtal liăn.

Troăng hơlâ ki kong pơlê pơkâ mơ'no cho mơhnhôk thế khu mơjiâng pro ai tơnêi tíu troh dâng lâi mơjiâng pro troh dâng mê; pơtê tơkêa, tơbleăng tung măng tơbriât tê mơdró tơnêi ƀă mâu khu mơjiâng pro ki ôh tá rơhéa. Pôa Hồ Văn Mười, Kăn hnê ngăn Vi ƀan kong pơlê Lâm Đồng, ăm 'nâi, kô khŏm pơhlêh kăn ƀô̆ kong pơlê tâng lôi ai hrá xo tơnêi ƀă hâi khế mơ'nui vâ mâu kong pơlê ai tơdroăng tơkêa bro klêi xo tơnêi cho hâi lơ 30/10 la ngiâ.