A rôh hôp, pôa Lê Minh Hưng, Ngế pro xiâm hnê ngăn tơnêi têa tối nhên pơkâ thế rak tơniăn mơ’no tơhrik cho tơdroăng vâ kal pêi thâ tơdrêng, cho tơdroăng ki kal vâ pêi pro ƀlêi chiâng mâu pơkâ pêi, hnoăng cheăng mơnhông cheăng kâ rêh ối pơlê pơla tung hơnăm 2026, hơnăm cho ivá mơdêk vâ hơnăm 2017 cho hơnăm thăm mơdêk, mơnhông tơƀrê ƀă pêi pro ƀlêi chiâng mâu pơkâ pêi, hnoăng cheăng dêi tá hneăng.

Ngế pro xiâm hnê ngăn tơnêi têa pơkâ thế, kal tơbleăng mâu hvêa chêng prôk ki kơtăng, rơdêi tâ nếo, mơnhên nhên tơdroăng ki pêi pro hnoăng cheăng pôu râng vâ rêm ngế ki ai tơdjâk troh ƀă tơdroăng ki tơbleăng pêi pro túa pơkâ on tơhrik. Khu xiâm ngăn kơmăi kơmok ƀă tê mơdró pơkuâ po, tơrŭm ƀă mâu khu xiâm kơvâ cheăng, kơ koan ai tơdjâk, mâu kong pơlê ‘na tơdroăng tơbleăng tơrêm tơdroăng tơkêa bro; pêi nhên hnoăng cheăng dêi mâu tíu pêi cheăng tung pêi pro, tơleăng mâu tơdroăng tơvâ.

Tơdroăng ki ‘mâi rơnêu athế rak tơniăn tơdroăng pêi pro, pêi klêi ƀă ăm xúa mâu tơdroăng tơkêa bro, pêi pro kơtăng tro pơkâ ƀă rak vế ki dâi lĕm rơkê.